BČ pačała prymać zajaŭki na ŭklučeńnie ŭ sastaŭ ciahnikoŭ vahonaŭ dla invalidaŭ-vazočnikaŭ
Biełaruskaja čyhunka pačała prymać anłajn-zajaŭki na ŭklučeńnie ŭ sastaŭ ciahnikoŭ vahonaŭ dla invalidaŭ-vazočnikaŭ, paviedamili ŭ pres-słužbie BČ.
Pasłuhu dystancyjnaha afarmleńnia zajaŭki na ŭklučeńnie ŭ sastaŭ ciahnika śpiecyjalna abstalavanaha vahona dla pieravozki invalidaŭ-vazočnikaŭ BČ pradastaŭlaje z 25 lipienia. «Dla afarmleńnia zakazu dastatkova zapoŭnić formu, jakaja raźmieščana na sajcie Biełaruskaj čyhunki ŭ raździele «Pasłuhi pasažyram». Paśla apracoŭki zajaŭki śpiecyjalisty BČ źviažucca z pasažyram i paviedamiać jamu ab mahčymaści pryčepki vahona», — raskazali ŭ pres-słužbie.
Tut dadali, što rabotniki BČ taksama akažuć sadziejničańnie ŭ padjomie i apuskańni vazka ŭ/z vahona, a pry nieabchodnaści i ŭ supravadžeńni pa terytoryi vakzała abo stancyi.
Biełaruskaja čyhunka maje park z 20 vahonaŭ, abstalavanych śpiecyjalnym kupe. Ciapier pasažyrskija vahony, u jakich jany jość, kursirujuć u składzie ciahnikoŭ numar 4/3 Brest-Maskva, numar 39/40 Połack-Maskva, numar 52/51 Minsk-Sankt-Pieciarburh, numar 78/77 Hrodna-Maskva, numar 86/85 Minsk-Kijeŭ, numar 132/131 Brest-Maskva, numar 649/650 Mahiloŭ-Brest.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary