Skaryna suprać «Pravdy»: intelihiencyja zaklikała pieranieści Dzień druku
Niekalki viadomych hramadskich arhanizacyj, takija jak Zhurtavańnie biełarusaŭ śvietu «Baćkaŭščyna», Sajuz biełaruskich piśmieńnikaŭ, Tavarystva achovy pomnikaŭ historyi i kultury, Biełaruski sajuz mastakoŭ, Biełaruski sajuz dyzajnieraŭ, Tavarystva biełaruskaj movy, źviarnulisia da ŭładaŭ z prapanovaj pieranosu śviatkavańnia Dnia druku z 5 maja na 6 žniŭnia.
Śviatkavańnie Dnia druku 5 maja – heta danina savieckaj tradycyi. Mienavita ŭ hety dzień u 1912 hodzie vyjšaŭ pieršy numar haziety «Pravda».
«Heta vyhladaje na niedahlad ci nieparazumieńnie, asabliva kali pryniać da ŭvahi, što navat Dzień rasijskaha druku ŭ Rasijskaj Fiederacyi adznačajecca 13 studzienia i prymierkavany da dnia vychadu pieršaha numaru haziety «Viedomosti» ŭ 1703 hodzie», — havorycca ŭ pres-relizie.
U jakaści alternatyvy inicyjatary prapanujuć datu 6 žniŭnia – jak prykład daŭnich tradycyj biełaruskaj drukarskaj spravy. Mienavita 6 žniŭnia 1517 hoda vyjšła pieršaja drukavanaja kniha na starabiełaruskaj movie. Namahańniami Franciška Skaryny śviet pabačyŭ «Psałtyr».
«U 2017 hodzie biełaruskaja hramadskaść budzie šyroka adznačać 500-hodździe biełaruskaha druku. I tym bolš metazhodnym stanovicca pieranos Dnia ajčynnaha druku, prafiesijnaha śviata dla supracoŭnikaŭ haziet, časopisaŭ, knižnych vydaviectvaŭ i drukarniaŭ, na 6 žniŭnia. Takim čynam narešcie pierarviecca kurjoznaja zaviadzionka dziela histaryčna abumoŭlenaj tradycyi», — padsumoŭvajuć aŭtary idei.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary