Z 1991 pa 1996 hady — hałoŭnaje nacyjanalnaje śviata — Dzień Niezaležnaści — adznačałasia mienavita 27 lipienia
Z 1991 pa 1996 hh. 27 Lipienia było hałoŭnym nacyjanalnym śviatam krainy
27 lipienia 1990 hoda Viarchoŭny Saviet Biełaruskaj Savieckaj Sacyjalistyčnaj Respubliki pryniaŭ Dekłaracyju ab dziaržaŭnym suvierenitecie. Jana abviaściła poŭny dziaržaŭny suvierenitet BSSR jak viaršenstva, samastojnaść i paŭnatu dziaržaŭnaj ułady respubliki ŭ miežach jaje terytoryi, pravamocnaść jaje zakonaŭ i niezaležnaść źniešnich adnosinach.
25 žniŭnia 1991 hoda Dekłaracyja atrymała status kanstytucyjnaha zakona, na padstavie jakoha byli ŭniesienyja źmieny i dapaŭnieńni ŭ Kanstytucyju BSSR 1978 hoda.
19 vieraśnia 1991 h. Viarchoŭny Saviet BSSR pryniaŭ zakon ab naźvie respubliki, u adpaviednaści ź jakim jana stała nazyvacca Respublikaj Biełaruś. Była ŭviedziena novaja dziaržaŭnaja simvolika — bieł-čyrvona-bieły ściah i hierb «Pahonia».
8 śniežnia 1991 hoda ŭ biełaruskaj uradavaj rezidencyi ŭ Viskulach Kamianieckaha rajona Bresckaj vobłaści kiraŭniki Biełarusi, Rasii i Ukrainy denansavali dahavor 1922 h. ab utvareńni SSSR.
Z 1991 pa 1996 hady hałoŭnaje nacyjanalnaje śviata — Dzień niezaležnaści — adznačaŭsia 27 lipienia i byŭ prymierkavany da daty pryniaćcia Dekłaracyi ab dziaržaŭnym suvierenitecie.
Paśla prychodu da ŭłady Alaksandra Łukašenki padčas respublikanskaha refierendumu 1996 hoda było pryniata rašeńnie ab śviatkavańni Dnia niezaležnaści 3 lipienia, u dzień vyzvaleńnia Minska ad nacystaŭ.
Hramadskaść adznačaje 27 lipienia, jak i Dzień Voli 25 sakavika, roznymi akcyjami.
Tak hramadski dziejač, eks-palitviazień Źmicier Daškievič anansavaŭ na ranicu sierady, a 8.30, akcyju na Płoščy Niezaležnaści ź bieł-čyrvona-biełymi ściahami.
Taksama płanujecca pikiet a 17-j kala Fiłarmonii, a 19-j u minskim mikrarajonie Sucharava ź biaspłatnym kancertam vystupić viadomy biełaruski muzyka Lavon Volski.
Sa śviatam, čytačy!
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary