Chakiery ź Irana vyznačyli telefonnyja numary 15 miljonaŭ žycharoŭ krainy, jakija karystajucca miesiendžaram Telegram, paviedamlaje Reuters.
Jak raspaviali niezaležny ekśpiert pa kibierbiaśpiecy Kolin Andersan i Kłaŭdyjo Hvarnijery z Amnesty International, chakieram taksama ŭdałosia atrymać dostup da akaŭntaŭ dziasiatkaŭ žurnalistaŭ i aktyvistaŭ. Usiaho ŭ Iranie servisam karystajucca kala 20 miljonaŭ čałaviek.
Telegram pazicyjanuje siabie jak vielmi nadziejny miesiendžar, pakolki usie dadzienyja ŭ im šyfrujucca ad pačatku da kanca.
Adnak uraźlivaść miesiendžara ŭ tym, kažuć ekśpierty, što pry identyfikacyi na jakoj-niebudź pryładzie Telegram dasyłaje karystalniku kod z dapamohaj sms-paviedamleńnia, jakoje moža być pierachoplena ŭzłomščykami.
Ekśpierty nazvali adkaznymi za heta hrupu Rocket Kitten, jakuju raniej źviazvali z napadami na karaleŭskuju siamju Saudaŭskaj Aravii, NATA i iranskich apazicyjanieraŭ. Stupień udziełu va ŭzłomie iranskaha ŭrada jany kamientavać admovilisia.
Kamientary