Biełaruskaja čyhunka pačała prodaž kvitkoŭ u krainy Jeŭropy praź internet, paviedamili ŭ pres-słužbie BČ.
«Dla pavyšeńnia jakaści absłuhoŭvańnia pasažyraŭ i raźvićcia elektronnych prodažaŭ prajaznych dakumientaŭ u mižnarodnych znosinach Biełaruskaja čyhunka na svaim sajcie ukaraniła novuju technałohiju nabyćcia elektronnych kvitkoŭ», — rastłumačyli ŭ pres-słužbie. Ciapier kupić kvitok anłajn možna ŭ takija krainy, jak Polšča, Hiermanija, Bałharyja, Francyja, Čechija, Vienhryja.
Afarmleńnie elektronnych prajaznych dakumientaŭ na pieršym etapie ŭkaranieńnia robicca biez elektronnaj rehistracyi. Dla ździajśnieńnia pajezdki prajaznyja dakumienty, apłačanyja praź internet, nieabchodna ŭ abaviazkovym paradku aformić u śpiecyjalizavanych punktach afarmleńnia prajezdu ŭ mižnarodnych znosinach Biełaruskaj čyhunki. Taksama mahčymy zvarot na sajcie elektronnych prajaznych dakumientaŭ, apłačanych z dapamohaj bankaŭskich kartak praź sistemu płaciažoŭ ASSIST i «Internet-bankinh» Biełarusbanka. Zvarot u kasach ažyćciaŭlajecca ŭ śpiecyjalizavanych punktach prodažu.
U bližejšaj pierśpiektyvie BČ płanuje paetapnaje ŭkaranieńnie elektronnaj rehistracyi pasažyraŭ na ciahniki mižnarodnych linij (uklučajučy bieśpierasadačnyja vahony, jakija kursujuć ź imi) u znosinach z krainami Jeŭropy, što dazvolić vyklučyć abaviazkovaje afarmleńnie prajaznych dakumientaŭ u kasach.
Kamientary