U mieksikanskim štacie Puebła zastreleny mer horada Chuechuetłan el Hrande — Chase Santas Maryja Zavała. Heta ŭžo treci mer, zabity ŭ krainie za apošnija dva tydni.
Jon byŭ znojdzieny miortvym la svajho aŭtamabila. Jaho sakratarki, jakaja jechała ŭ toj ža mašynie, na miescy złačynstva, kali tudy pryjechała palicyja, nie było. Jaje miescaznachodžańnie ŭ dadzieny momant nieviadomaje. Nie nazyvajecca pakul i matyŭ napadu.
Letaś Zavału źbili, abrabavali i trymali zakładnikam va ŭłasnym domie miascovyja bandyty.
U lipieni ad ruk złačyncaŭ zahinuli dva mery mieksikanskich haradoŭ, adzin ź jakich nieadnarazova źviartaŭsia da centralnych uładaŭ z prośbaj ab abaronie paśla pahrozaŭ členaŭ mafii.
Pavodle dadzienych Asacyjacyi meraŭ Mieksiki, z 2003 hoda byli zabityja 40 kiraŭnikoŭ haradoŭ, siem čałaviek tolki abranych, jakija nie paśpieli ŭstupić na pasadu mera, i 32 byłyja mery.
U studzieni hetaha hoda mer horada Temiska ŭ štacie Marełas była zastrelenaja na vačach u svajoj siamji mienš, čym praz sutki paśla taho, jak jana prystupiła da svaich abaviazkaŭ.
Kamientary