Polšča admianiła ŭviedzieny ŭ lipieni pamiežkantrol z krainami Jeŭrasajuza, paviedamlajuć infarmahienctvy.
Uviadzieńnie kantrolu 4 lipienia było ŭzhodniena polskimi ŭładami ŭ suviazi z samitam NATA, jaki prachodziŭ u Varšavie 8-9 lipienia, i Suśvietnymi dniami moładzi. Taksama było pryniata rašeńnie ab prypynieńni dziejańnia norm miascovaha pryhraničnaha ruchu (MPR) z Kalininhradskaj vobłaściu Rasii i pryhraničnymi terytoryjami Ukrainy.
Pavodle infarmacyi pamiežsłužby Polščy, z 3 žniŭnia admienieny kantrol na miežach z Čechijaj, Hiermanijaj, Słavakijaj, Litvoj. Taksama adnoŭleny MPR z Ukrainaj. MPR z Rasijaj pakul adnaŭlać nie płanujecca.
Jak adznačaje pamiežsłužba, faktyčna za miesiac kantrolu byli pravieranyja amal 500 tysiač čałaviek i kala 55 tysiač srodkaŭ transpartu. Pry hetym bolš za 320 čałaviek, jakija sprabavali pierasiačy polskuju miažu, byli zatrymanyja. 144 čałavieki atrymali admovu va ŭjeździe.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3
Kamientary