Moža, znojdziecca chtości, chto kupić majestatyčnuju hraviuru 1568 hodu z vyjavaj Horadni «Vera designatio urbis in Littavia Grodnae», u biełaruskija ruki?
Moža, znojdziecca chtości, chto kupić majestatyčnuju hraviuru 1568 hodu z vyjavaj Horadni «Vera designatio urbis in Littavia Grodnae», u biełaruskija ruki?
Stary Zamak, most cieraź Nioman i ŭsie cerkvy — manumentalnaja panarama Horadni paŭstaje na hetym miedziarycie 1568 hodu. Hraviura Ciundta pamieram 36 na 102 santymetry pakazvaje horad u časie pryhatavańniaŭ da Lublinskaje unii. Na pieršym planie maršałak Vałovič vitaje pasolstva cara Ivana Žachlivaha. U dalečyni adkryvajecca panarama miesta. Jaje zmalavaŭ u lipieni 1568 hodu vidavočca, Jana Adelhaŭzer. A Matyjas Ciundt (1498-1572), znakamity niurnberski miedziarytnik, pieranios u formu hraviury. Heta sapraŭdny rarytet: viadomyja ŭsiaho niekalki zachavanych aryhinałaŭ hetaj pracy. Nivodzin ź ich nie znachodzicca ŭ Biełarusi.
Adna ź ich, z pryvatnaj kalekcyi, vystaŭlenaja na antykvarny aŭkcyjon u Varšavie. Jon adbudziecca 7 červienia.
Pačatkovaja cana «Vera designatio urbis in Littavia Grodnae» — tak hučyć poŭnaja nazva hraviury — składaje 40 tysiačaŭ złotych (18,5 tys. dalaraŭ).
U Litvie i va Ŭkrainie ŭžo źjavilisia bahatyja ludzi, što metaskiravana źbirajuć staražytnaści. U Kijevie adnu z najbahaciejšych kalekcyj nazapasiŭ miljarder Pinčuk. Ceny starych mapaŭ, dakumentaŭ, artefaktaŭ siahajuć davoli vysokich ličbaŭ. Bałazie, hetyja zdabytki zvoziacca va Ŭkrainu.
U Biełarusi, splažanaj i razrabavanaj savietami i nacystami, staražytnaściaŭ zachavałasia niašmat. U toj ža čas u antykvarnych kramach Varšavy i, asabliva, Krakava časam možna znajści pieršavydańnie Dunina-Marcinkieviča za symbaličnuju canu abo hraviuru Ordy za vielmi prymalnyja hrošy — paradku sotni dalaraŭ. Biednyja kalekcyi biełaruskich muzejaŭ mahli b papaŭniacca. Mahli b... Ale łukašenkaŭskija viedamstvy, z pasolstvami ŭklučna, nie vyjaŭlajuć nijakaje ŭvahi da biełaruskaj staraśvieččyny.
Cikava, što pavodle praviłaŭ aŭkcyjonaŭ u Polščy, bujnyja dziaržaŭnyja muzei i Nacyjanalnaja biblijateka majuć pryvilejavanaje prava vykupu łotaŭ za pačatkovuju canu. Tolki kali jany nie vykazvajuć achvoty, pradmiety vystaŭlajucca na torh.
Polski kalekcyjaner K., jaki źbiraje biełaruskija staražytnaści, nia maje srodkaŭ, kab vykupić hraviuru Horadni. Uvohule jon ciešycca z taho, što ŭ Biełarusi dahetul niama tych nuvaryšaŭ, jakija z časam nahoniać ceny na staražytnaści VKŁ. Adnak u hetym vypadku navat jon škaduje: choć by znajšoŭsia niechta, kab najdaŭniejšaja vyjava Horadni trapiła ŭ biełaruskija ruki.
Siarod inšych łotaŭ aŭkcyjonu 7 červienia asablivaj uvahi zasłuhoŭvaje tak zvanaja «Radziviłaŭskaja» mapa VKŁ 1632 hodu (pačatkovaja cana — 6000 złotych) i aŭtohrafy karaloŭ Rečy Paspalitaj.
Aŭkcyjon adbudziecca a 10.30 u Vuhorskim instytucie kultury pa adrasie vuł. Maršałkoŭskaja 80. Ahladać pradmiety možna ad 8.00. Ab praviłach aŭkcyjonaŭ možna pračytać na sajcie www.lamus.pl. Handlavać pradmiety možna taksama šlacham zamovaŭ praz faks ci elektronnuju poštu z paznačeńniem hraničnaj cany. Kataloh aŭkcyjonu ŭ farmacie PDF dastupny tutaka.
 Vera designatio urbis in Littavia Grodnae. 1568. Vystaŭlenaja na aŭkcyjon antykvaryjatu ŭ Varšavie. |
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary