ZŠA ŭpeŭniena lidzirujuć u miedalnym zaliku
U spabornictvach na viaślarnym kanale «Łahuna» Maryna Litvinčuk startuje ŭ vyrašalnym zajeździe bajdarak-adzinočak na dystancyi 500 m. Zajezd prykładna ŭ 16:04.
U siektary dla kidańnia kapja baraćbu za ŭznaharody paviadzie čempijonka Jeŭropy Taćciana Chaładovič. Finał u noč na piatnicu.
Dźvie biełaruski vystupiać u spabornictvach pa volnaj baraćbie. U vahavoj katehoryi da 63 kh budzie zmahacca Maryja Mamašuk, a jaje siabroŭka pa kamandzie Vasilisa Marzaluk pasprabuje zavajavać miedal u vahavoj katehoryi da 75 kh.
U žanočym turniry pa sučasnym piaciborji pačnie spabornictvy biełaruska Anastasija Prakapienka, jakoj treba budzie pakazać siabie ŭ pieršym vidzie — fiechtavańni.
Biez udziełu biełaruskich spartsmienaŭ buduć vyznačany pryziory Hulniaŭ u badmintonie, chakiei na travie, tryjatłonie, boksie, parusnym sporcie, plažnym valejbole, skačkach u vadu.
