Bronzu ŭ volnaj baraćbie vyjhraŭ Ibrahim Saidaŭ, jaki pierajechaŭ u Biełaruś paŭtara hoda tamu
Pradstaŭnik Biełarusi Ibrahim Saidaŭ vyjhraŭ bronzavy miedal u suciašalnym turniry pa volnaj baraćbie na Alimpijadzie-2016 u Rya-de-Žaniejra. Ciapier u našaj krainy dzieviać miedaloŭ (1 zołata + 4 srebry +4 bronzy).
Paśla pieramohi jon uźniaŭ biełaruski ściah i palez abdymacca z rasiejskimi trenierami i fanatami.
Chto taki Ibrahim Mahamiedsaidavič Saidaŭ i pryčym tut Biełaruś?
Spartoviec naradziŭsia ŭ 1985 hodzie ŭ vioscy Kakrek Chasaviurtaŭskaha rajona Dahiestana. Pa nacyjanalnaści jon avarac.
Saidaŭ doŭhi čas vystupaŭ za Rasiju, pryčym davoli paśpiachova, staŭšy ŭ 2010 hodzie čempijonam krainy.
A ŭ 2012 hodzie ŭ jaho kryvi znajšli dopinh. Saidaŭ byŭ dyskvalifikavany na dva hady, a kali viarnuŭsia ŭ sport, źmianiŭ Rasiju na Biełaruś.
Trenier našaj zbornaj paklikaŭ jaho «dla ŭzmacnieńnia kankurentazdolnaści».
U 2015 hodzie Saidaŭ treniravaŭsia ŭ Minsku, a sioleta pierajechaŭ u Hrodna. Jahony trenier — Žumataj Šubajeŭ.
Na Alimpijadu musiŭ jechać inšy pradstaŭnik Biełarusi — Alaksiej Šamaraŭ (z rasijskaha Kalininhrada). Jon traŭmavaŭsia, tamu pryjšła čarha druhoha biełarusa Jusupa Džaliłava (z rasijskaj Machačkały). Ale ŭ hetaha spartsmiena vyjavili dopinh. Tady ŭ Rya adpraviŭsia treci — Ibrahim Saidaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary