Biełaruskaja kamanda (Hanna Dudziankova, Maryja Kadobina, Valeryja Piščelina, Aryna Cycylina, Maryna Kaciak) nie zdoleła zavajavać miedal u hrupavych praktykavańniach pa mastackaj himnastycy, zaniaŭšy 5-je miesca.
Siońnia tre' było vystupić u dźviuch dyscyplinach: praktykavańni sa stužkami, a taksama bułavami dy abručami.
Naša kamanda nabrała ŭ vyniku 35,299 bała, prapuściŭšy napierad Rasiju (alimpijskija čempijonki, 36,233 bała), Ispaniju (2-je miesca, 35,766), Bałharyju (3-ja, 35,766) i Italiju (4-ja, 35,549).
Upieršyniu z 2004 hoda Biełaruś nie ŭziała miedaloŭ u mastackaj himnastycy.
Učora pjedestał nie skaryŭsia Mielicinie Staniucie i Kaciarynie Hałkinaj u indyvidualnym šmatborji.
* * *
Alimpijskija hulni zaviaršajucca siońnia. Zastalisia jašče finały ŭ volnaj baraćbie, boksie, a taksama finały ŭ mužčynskim valejbole, handbole i baskietbole.
Cyrymonija zakryćcia Hulniaŭ pačniecca a druhoj hadzinie nočy.
Nastupnyja Letnija Alimpijskija projduć u 2020 h. u Tokia. Z 7 pa 18 vieraśnia ŭ Rya projduć Letnija Paralimpijskija hulni.
Biełaruś na Alimpijskich hulniach u Rya-2016 zavajavała dzieviać miedaloŭ: adzin załaty, pa čatyry siarebranyja i bronzavyja.
Zołata (Uładzisłaŭ Hančaroŭ — batut),
čatyry srebry (Maryja Mamašuk — volnaja baraćba, Ivan Cichan — mołat, Darja Navumava i Vadzim Stralcoŭ — ciažkaja atletyka),
čatyry bronzavyja ŭznaharody (Alaksandra Hierasimienia — płavańnie; Maryna Litvinčuk/Marharyta Machnieva/ Nadzieja Lapieška/ Volha Chudzienka — bajdarka; Džavit Hamzataŭ — hreka-rymskaja baraćba; Ibrahim Saidaŭ — volnaja baraćba).
U Łondanie-2012 u Biełarusi było 12 miedaloŭ (2+5+5).
U Piekinie-2008 — 18 uznaharodaŭ (4+5+9)
U Afinach-2004 — 13 (2+5+6),
U Sidnei-2000 — 17 (3+3+11)
U Atłancie-1996 — 15 (1+6+8).
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary