Sprava Šaramieta: dapytana bolš za 500 čałaviek, prapracoŭvajuć 4 viersii
U rasśledavańni zabojstva žurnalista Paŭła Šaramieta dapytana bolš za 500 čałaviek, śledstva adpracoŭvaje 4 viersii.
Pra heta ŭviečary 21 žniŭnia ŭ efiry telekanała «112 Ukraina» zajaviŭ pieršy namieśnik staršyni Nacpalicyi Vadzim Trajan.
«Praca pa hetaj spravie praciahvajecca pa 4-ch viersijach, jak paviedamlałasia raniej. Ź ich ni adna nie adpała, my ich padmacoŭvajem», - paviedamiŭ jon.
Pry hetym Trajan adznačyŭ, što zaraz składana zamacavać jakuju-niebudź ź isnujučych viersij jak asnoŭnuju.
Jon dadaŭ, što ŭ časie śledstva taksama vyvučana kala 2 Hb videa, kanfiskavanych z kamier videanazirańnia pablizu miesca trahiedyi.
«Było 3 Hb, kanfiskacyja videa praciahvajecca, ciapier jość jašče dadatkova 2 Hb», - dadaŭ Trajan.
Zasnavalnik «Biełaruskaha partyzana» i adzin z kiraŭnikoŭ «Ukrainskaj praŭdy» Pavieł Šaramiet zahinuŭ ranicaj 20 lipienia ŭ Kijevie ŭ vyniku vybuchu mašyny, jakaja naležała kiraŭniku vydańnia Alenie Prytule. Vybuchovaja pryłada, jakaja padarvała aŭtamabil, była zakładzienaja blizka da miesca kiroŭcy.
Palicyja kvalifikavała toje, što adbyłosia pa artykule «naŭmysnaje zabojstva, ździejśnienaje sposabam, niebiaśpiečnym dla žyćcia mnohich asob».
Hienprakuror Ukrainy Juryj Łucenka nazvaŭ asnoŭnaj viersijaj zabojstva Šaramieta pomstu za jaho prafiesijnuju dziejnaść.
Kiraŭnik MUS Ukrainy Arsien Avakaŭ zajaviŭ, što Nacpalicyja hatovaja zapłacić 200 000 hryŭniaŭ za lubuju infarmacyju, jakaja tyčycca zabojstva žurnalista Paŭła Šaramieta.
19 žniŭnia staršynia Nacpalicyi Chacija Dekanaidze zajaviła ab adsutnaści vialikaha prahresu ŭ spravie rasśledavańnia zabojstva Šaramieta i adznačyła, što kateharyčna suprać vydavańnia lubych detalaŭ rasśledavańnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary