Amierykanski epidemijołah Donald Chiendersan, jaki ŭ kancy 1960-ch uznačaliŭ paśpiachovuju kampaniju pa vykaranieńni vospy ŭ śviecie, pamior va ŭzroście 87 hadoŭ.
Chiendiersana nazyvali «hihantam» ŭ achovie zdaroŭja za jaho pracu ŭ 1960-ch i 70-ch hadach. Jaho śmierć była vyklikanaja uskładnieńniami paśla pierałomu ściahna.
Naturalnaja vospa — adna z najbolš śmiarotnych infiekcyj, ad jakoj tolki ŭ XX stahodździ zahinuli sotni miljonaŭ čałaviek. Jaje abjavili pieramožanaj ŭ 1980 hodzie - heta była pieršaja infiekcyja, jakuju ŭdałosia vykaranić u maštabach usiaho śvietu.
Zachvorvańnie praciakaje z vostrymi bolami, a na tvary i ciele źjaŭlajecca syp, jakaja zatym pieratvarajecca ŭ rubcy. Jak praviła, ad vospy pamiraŭ adzin z troch chvorych.
Chiendersan pačaŭ svaju pracu pa baraćbie z vospaj ŭ 1966 hodzie. U tyja časy zachvorvańnie ŭsio jašče było raspaŭsiudžana ŭ Afrycy i Azii.
Amierykanski epidemijołah izalavaŭ ŭspyški zachvorvańnia i pryščaplaŭ ludziej sistematyčna zamiest taho, kab pravodzić masavyja kampanii vakcynacyi.
Paśla zaviaršeńnia karjery ŭ Suśvietnaj arhanizacyi achovy zdaroŭja Chiendersan zajmaŭ pasadu daradcy pa navucy i bijateraryzmu pry troch amierykanskich prezidentach.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary