Admietnaj rysaj Pryjomnaj kampanii 2016 hoda stała mahčymaść pastupleńnia ŭ miežach dadatkovaha nabora, jaki praciahvaŭsia z 25 lipienia pa 11 žniŭnia. Dziakujučy takomu rašeńniu adukacyjnyja mahčymaści ŭniviersiteta stali jašče bolš adkrytymi dla abituryjentaŭ ź Biełarusi i Uschodniaj Jeŭropy.
Pa ahulnych vynikach Pryjomnaj kampanii EHU atrymaŭ 308 ankiet abituryjentaŭ. U vyniku ŭstupnych ispytaŭ i matyvacyjnych sumoŭjaŭ 264 abituryjenty byli rekamiendavanyja da zaličeńnia, što na 17,4% vyšej za pakazčyki 2015 hoda. 230 z rekamiendavanych abituryjentaŭ źjaŭlajucca hramadzianami ci stałymi rezidentami Biełarusi, 69,1% ź jakich pačnuć navučańnie ŭ EHU na biaspłatnaj asnovie ci sa źnižkaj.
Stanoŭčaj tendencyjaj taksama źjaŭlajecca vysoki ŭzrovień akademičnaj padrychtoŭki abituryjentaŭ, jaki pastupili ŭ miežach dadatkovaha nabora. Sioleta akademičny rejtynh abituryjentaŭ dadatkovaha nabora skłaŭ 8,04 bała.
Hetaksama varta adznačyć stały rost zacikaŭlenaści da navučalnych prahram EHU z boku litoŭskich abituryjentaŭ. Pa vynikach Ahulnaha pryjoma ŭ vyšejšyja škoły Litvy (LAMA BPO) 10 vypusknikoŭ litoŭskich škoł pačnuć navučańnie ŭ EHU, što istotna vyšej, čym u papiarednija hady.
Novy akademičny hod u EHU pačniecca 3 kastryčnika.
