BSDP (Hramada) zaklikaje ŭrad padtrymlivać adukacyju na biełaruskaj movie
Biełaruskaja sacyjał-demakratyčnaja partyja (Hramada) zaklikaje Ministerstva adukacyi, Saviet ministraŭ, a taksama budučych deputataŭ Pałaty pradstaŭnikoŭ padtrymać adukacyju na biełaruskaj movie.
U zajavie prezidyuma partyi adznačajecca, što z kožnym hodam skaračajecca lik škoł, u jakich pradmiety vyvučajuć na biełaruskaj movie. «Škoły i himnazii, u jakich vykładańnie viadziecca na biełaruskaj movie, u bujnych haradach možna pieraličyć pa palcach. Kolkaść hadzin vykładańnia biełaruskaj movy dla vučniaŭ źjaŭlajecca nieprymalna nizkaj. U vyniku bolšaść vypusknikoŭ siarednich škoł nie ŭ stanie svabodna razmaŭlać na rodnaj movie», — skazana ŭ dakumiencie.
Adznačajecca, što dla adkryćcia novych biełaruskamoŭnych kłasaŭ patrabujucca vialikija namahańni, a ŭ škołach niama bazy dla adpaviednaj adukacyi. Pry hetym bolšaść baćkoŭ vystupajuć za ruskamoŭnuju adukacyju dla svaich dziaciej z-za taho, što ŭ biełaruskamoŭnaj niama pierśpiektyvy.
Prezidyum BSDP (Hramada) prapanuje «niehvałtoŭny vychad ź situacyi, jakaja skłałasia, — kožnaja novaja pabudavanaja škoła ŭ krainie pavinna stać biełaruskamoŭnaj». «U Biełarusi pavinien źjavicca nacyjanalny ŭniviersitet z vykładańniem pradmietaŭ na biełaruskaj movie. Dla pracy na luboj dziaržaŭnaj pasadzie, a taksama ŭ škole i va ŭniviersitecie adnym z abaviazkovych patrabavańniaŭ pavinna stać svabodnaje vałodańnie biełaruskaj movaj», — ličać u partyi.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary