Zamiežniki zmohuć da piaci sutak znachodzicca bieź vizy ŭ rajonie Aŭhustoŭskaha kanała
Zamiežnyja hramadzianie zmohuć da piaci sutak znachodzicca bieź vizy ŭ śpiecyjalnym turyscka-rekreacyjnaj parku «Aŭhustoŭski kanał» i prylehłych da jaho terytoryjach.
Takaja norma źmiaščajecca va ŭkazie prezidenta ad 23 žniŭnia № 318 «Ab ustanaŭleńni biaźvizavaha paradku ŭjezdu i vyjezdu zamiežnych hramadzian».
Pavodle źviestak pres-słužby biełaruskaha kiraŭnika, taki paradak praduhledžany dla zamiežnych hramadzian, jakija pierasiakajuć miažu z boku Polščy praz punkty propusku Lasnaja (Rudaŭka) i Bruzhi (Kuźnica Biełastockaja), z boku Litvy — praz punkty propusku Pryvałka (Šviandubre) i Pryvałka (Rajhardas).
«Ustalavańnie biaźvizavaha paradku naviedvańnia» Aŭhustoŭskaha kanała «zaklikana sadziejničać pavieličeńniu turystyčnaha patoku na terytoryju parka, pracoŭnaj zaniataści miascovaha nasielnictva, pryciahnieńniu inviestycyj u raźvićcio infrastruktury parka, praviadzieńniu bujnych mižnarodnych turystyčnych i spartyŭnych mierapryjemstvaŭ», — adznačajecca ŭ paviedamleńni.
Ukaz dziejničaje da 31 śniežnia 2017 hoda «z mahčymaściu padaŭžeńnia na niavyznačany termin».
Kamientary