Na adaptacyju i madernizacyju budavanaha stadyjona «Zienit-Arena» (jon ža «Krastoŭski») da čempijanatu Jeŭropy pa futbole 2020 hoda spatrebiacca miljardy rubloŭ, paviedamiŭ staršynia haradskoha kamiteta Sankt-Pieciarburha (RF) pa budaŭnictvie Siarhiej Marozaŭ.
ria.ru
Budavany stadyjon, pa słovach Marozava, treba budzie pryvodzić u adpaviednaść z patrabavańniami UEFA.
«My ŭsie razumiejem, što patrabavańni UEFA bolš žorstkija, čym navat FIFA, a pakolki ŭ nas jašče i čempijanat Jeŭropy budzie, to adaptacyja stadyjona pad patrabavańni UEFA zapatrabuje dadatkovych vydatkaŭ, heta, mahčyma, miljardy rubloŭ», — cytuje TASS Marozava.
Z takoj zajavaj jon vystupiŭ padčas abmierkavańnia sposabaŭ pieradačy stadyjona «Krastoŭski» futbolnamu kłubu «Zienit». Pavodle jaho słoŭ, ułady horada razhladajuć roznyja varyjanty ažyćciaŭleńnia padobnaj pieradačy — doŭhaterminovaja arenda, daviernaje kiravańnie abo kancesijnaje pahadnieńnie.
Mienavita praź nieabchodnaść dadatkovych inviestycyj u madernizacyju stadyjona praktyčna adrazu paśla zakančeńnia budaŭnictva ułady pryciahvaje ideja kancesijnaha pahadnieńnia. Padobnyja pahadnieńni praduhledžvajuć, što inviestycyi buduć zroblenyja častkova abo całkam za košt pryvatnaj asoby.
U paniadziełak šyroki rezanans vyklikała rašeńnie ŭładaŭ Pieciarburha vyzvalić hrošy na ŭźviadzieńnie stadyjona «Zienit-Arena» za košt źmianšeńnia srodkaŭ, vydzielenych na budaŭnictva škoł, dziciačych sadoŭ i ŭstanoŭ achovy zdaroŭja. Za košt hetaha ŭłady płanujuć vyručyć na budaŭnictva bolš za 2 młrd rubloŭ.
Stadyjon «Krastoŭski», ci «Zienit-Arena», budujuć da čempijanatu śvietu 2018 hoda. Pry hetym jon pavinien taksama pryniać niekalki matčaŭ čempijanatu Jeŭropy, jaki ŭ 2020 hodzie ŭpieršyniu budzie pravodzicca pa ŭsim kantyniencie, a nie ŭ niejkaj kankretnaj krainie. Prajekt stadyjona trojčy karektavaŭsia, a jaho košt vyras ź pieršapačatkovych 6,7 młrd rasijskich rubloŭ da 43,8 młrd rubloŭ.
U siaredzinie lipienia administracyja Sankt-Pieciarburha spyniła kantrakt z hienieralnym padradčykam budaŭnictva stadyjona «Zienit-Arena» na Krastoŭskim vostravie — kampanijaj «Inžtransstroj-SPb». Kampanija raniej zajaviła, što nie moža zaviaršyć budaŭnictva stadyjona ŭ termin z-za dziejańniaŭ administracyi horada: ułady nibyta nie apłacili ŭžo vykananyja pracy na 1 młrd rubloŭ, z-za čaho ŭ firmy paŭstali prablemy ź likvidnaściu.
Novym padradčykam budaŭnictva ŭ sieradu była aficyjna abjaŭlena kampanija «Mietrostroj», jakaja na čverć naležyć HUP «Pieciarburhski mietrapaliten», a jašče na 21% — kamitetu majomasnych adnosin horada.
Kamientary