Viktoryja Łukašenka, starejšaja ŭnučka biełaruskaha prezidenta, pastupiła na fakultet mižnarodnych adnosin BDU. Dziaŭčyna zaličana na płatnaje adździaleńnie. Pra heta śviedčać śpisy pieršakurśnikaŭ Biełdziaržuniviersiteta.
Fota z asabistaha archiva Viktoryi Łukašenki
Na FMA Viktoryja Łukašenka abrała «suśvietnuju ekanomiku». Heta adna z samych zapatrabavanych śpiecyjalnaściaŭ u BDU: prachadny bał na biudžet pa joj skłaŭ 361 bał, na płatnuju formu navučańnia - 249 bałaŭ.
Viktoryja Łukašenka - dačka Viktara Łukašenki, starejšaha syna biełaruskaha prezidenta. U jaje jość braty Alaksandr i Jarasłaŭ, a taksama siastra Valeryja. U hetym hodzie Viktoryja skončyła staličnuju himnaziju № 16.
Fota z asabistaha archiva Viktoryi Łukašenki
U dziacinstvie starejšaja ŭnučka prezidenta zdymałasia ŭ kino. U 2008 hodzie razam ź Filipam Kirkoravym jana syhrała ŭ biełaruskaj kamiedyi «Na śpinie ŭ čornaha kata», u 2010 hodzie - u rasijskim sieryjale «Varažba pry śviečkach».
