19:20
Pravakatary zakidali ŭdzielnikaŭ šeścia na Dzień Niezaležnaści jajkami.
Momant pravakacyi ŭ videa — 1:17:35.
19:10
Udzielniki dajšli da płoščy Niezaležnaści. U kamientary «Našaj Nivie» Źmicier Daškievič acaniŭ akcyju jak udałuju i natchnialnuju. Na zaviaršeńnie ŭdzielniki praśpiavali «Mahutny Boža».
18:50
Kałona dajšła da Kastryčnickaj płoščy. Źmicier Daškievič razdaje minakam bčb-stužki i vinšuje ich z Dniom Niezaležnaści. Čuvać vyhuki «Žyvie Biełaruś!»
18:40
Udzielniki rušyli na praśpiekt Niezaležnaści. U supravadžeńni, viadoma — milicyjanty i ludzi ŭ cyvilnym, jakija zdymajuć usio na videa.
18:30
Milicyja składaje pratakoły na ŭsich, chto čytaŭ vieršy.
18:20
Źjavilisia milicyjanty, padyšli da Źmitra Daškieviča. Toj zajaŭlaje, što nie razumieje pa-rasiejsku.
18:15
Ludzi ŭsio padciahvajucca, udzielnikaŭ užo kala 50. Pa-nad hramadoj łunajuć kala 30 bieł-čyrvona-biełych ściahoŭ. Pačalisia čytańni vieršaŭ Janki Kupały.
18:05
Niepadalok ad pomnika stajać try vybarčyja pikiety praŭładnych kandydataŭ.
18:00
U skviery Janki Kupały sabrałosia niekalki dziasiatkaŭ čałaviek. Pryjšli palityk Mikoła Statkievič z žonkaj, lidar «Maładoha Frontu» Źmicier Daškievič, namieśnik staršyni Ruchu «Za Svabodu» Aleś Łahviniec.
***
Pierad pačatkam śviatočnaha šeścia pa praśpiekcie Niezaležnaści «Małady Front» zaklikaje ŭsich patryjotaŭ uziać udzieł u «Kupałaŭskich čytańniach»: treba vybrać nacyjanalna-patryjatyčnyja tvory Janki Kupały i pradekłamavać ich la pomnika paetu. Akcyja pačniecca kala 18:00.
U «Kupałaŭskich čytańniach» voźmie ŭdzieł paet Słavamir Adamovič, jaki budzie ŭznačalvać žury konkursu i vyznačyć pieramožcaŭ. Jany atrymajuć kaštoŭnyja padarunki ad arhanizataraŭ mierapryjemstva.
Paśla konkursu «Małady Front» zaprašaje ŭsich achvotnych na śviatočnaje rušańnie pa praśpiekcie Niezaležnaści pad nacyjanalnymi ściahami Biełarusi.
Taksama ŭ miežach mierapryjemstva adbudziecca akcyja #biełaruskajastužka z razdačaj bieł-čyrvona-biełaj stužki ad «Art-Siadziby».
