U śviežym «Dziejasłovie» — apovieść Arłova, paema Drańko-Majsiuka, uspaminy Zakońnikava
Śviežy numar «Dziejasłova» adkryvaje novaja apovieść Uładzimira Arłova «Dom z damavikami». Taksama ŭ rubrycy «Proza» vartyja ŭvahi apaviadańni Vincesia Mudrova, Paliny Kačatkovaj, Zarasłavy Kaminskaj, Juljany Piatrenka, Kryściny Bandurynaj, minijaciury Mikałaja Maroza, zakančeńnie dyptychu Hienrycha Dalidoviča.
Abjomnym tvoram u raździele paezii dzielicca Leanid Drańko-Majsiuk — apublikavana jaho paema «Ładździa Rospačy». Ź vieršavanymi padborkami ŭ numary vystupajuć Andrej Hucaŭ, Vasil Žukovič, Juryj Ihnaciuk, Aleś Nińko, Tadora Špilka, Ihar Vysocki.
U rubrycy «Pierakłady» zaŭvažnymi dla prychilnikaŭ paezii stanuć novyja pierakłady Andreja Chadanoviča, a mienavita — jahonyja pierastvareńni pieršaha zbornika Hijoma Apalinera «Biestyjaryj», a taksama znakamitaj paemy «Zona». U pierakładzie Taćciany Anikiejenka drukujucca apaviadańni bałharskich piśmieńnikaŭ Hieorhija Markava i Michaiła Viešyma.
Nadzvyčaj raznastajnym i abjomnym u numary staŭsia miemaryjalny raździeł. Ładnuju jaho častku zajmajuć teksty, pryśviečanyja 80-hodździu z dnia naradžeńnia Hienadzia Buraŭkina, jakoje budzie adznačacca ŭ žniŭni. Častku z svajoj knihi ŭspaminaŭ prapanuje Siarhiej Zakońnikaŭ, a šmathadovy «limaviec» Mikoła Hil adšukaŭ u svaich archivach nieapublikavanyja teksty viadomych biełaruskich aŭtaraŭ — artykuł Vasila Bykava, listy Ivana Łaskova, Alesia Čobata, Masieja Siadniova, zapiski Ryhora Baradulina. Vydatna pieradaje charaktar trahična zahinułaj Taćciany Sapač publikacyja jejnaj elektronnaj pierapiski 2000-ch hadoŭ, prymierkavanaja da žnivieńskich uhodkaŭ paetki.
Z navukovymi artykułami i recenzijami na novyja knihi ŭ numary vystupajuć Leanid Hałubovič, Ivan Savierčanka, Uładzimir Maroz, Anatol Astapienka, Maryja Malaŭka.
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary