Kryminalnyja razborki pad Lvovam: padarvanaje aŭto, troje zahinułych
U Pustamytaŭskam rajonie Lvoŭskaj vobłaści nieviadomyja abstralali i ŭzarvali aŭtamabil, u vyniku čaho zahinuli try čałavieki.
Pra heta raspavioŭ dyrektar departamienta kamunikacyj MUS Ukrainy Arciom Šaŭčenka.
«Byŭ padryŭ i byŭ abstreł z aŭtamatyčnaj zbroi aŭtamabila, u vyniku jakoha zahinuli try čałavieki, adzin byŭ paranieny. Aŭtamabil naležaŭ AAT «Lvoŭski choładakambinat», — skazaŭ jon.
Pavodle jaho słoŭ, asoby traich zahinułych vyśviatlajucca.
«Papiarednie, heta achoŭniki kiraŭnika i ŭładalnika hetaha kambinata, jaki źjaŭlajecca asobaj davoli viadomaj u vuzkich kryminalnych kołach Lvoŭščyny», — skazaŭ Šaŭčenka.
Jon taksama paviedamiŭ, što pa viersii palicyi havorka idzie pra «kryminalnuju baraćbu za ŭpłyŭ pamiž arhanizavanymi złačynnymi hrupami ŭ rehijonie».
Sa słoŭ spadara Šaŭčenki, na miesca vyjechaŭ načalnik kryminalnaj palicyi Vadzim Trajan.
Bližejšym časam buduć vyzvaleny bolš za 150 palitźniavolenych39
Kamientary