Supracoŭniki kryminalnaha vyšuku Partyzanskaha RUUS Minska 28 žniŭnia ŭ 6 hadzin ranicy kala načnoha kłuba pa vulicy Smalenskaj na miescy złačynstva zatrymali 40-hadovaha mužčynu, jaki ŭčyniŭ zamach na zabojstva ŭ dačynieńni da achoŭnika kłuba.
«Znachodziačysia ŭ stanie mocnaha ałkaholnaha apjanieńnia, mužčyna pavodziŭ siabie aburalna, prystavaŭ da naviedvalnikaŭ. Na zaŭvahi achoŭnikaŭ jon nie reahavaŭ, u siłu čaho paŭstaŭ kanflikt, u vyniku jakoha 40-hadovy mužčyna dastaŭ z kišeni nož i nanios niekalki udaraŭ 26-hadovamu achoŭniku», — paviedamlajecca na sajcie HUUS Minharvykankama.
Z kołata-rezanymi ranami miakkich tkanak hrudnoj kletki i patyličnaj vobłaści supracoŭnik načnoha kłuba dastaŭleny ŭ balnicu. U dačynieńni da złamyśnika Partyzanskim (Minska) rajonnym adździełam Śledčaha kamiteta raspačata sprava pa č. 1 art. 14, č. 1 art. 139 (zamach na zabojstva). Sankcyja hetaha artykuła praduhledžvaje pakarańnie ŭ vyhladzie pazbaŭleńnia voli da 15 hadoŭ, adznačajecca ŭ paviedamleńni na sajcie HUUS.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary