Buš praciahnuŭ na hod sankcyi ŭ dačynieńni da šerahu biełaruskich čynoŭnikaŭ
U śpis amerykanskaha prezydenta ŭvachodziać 10 čałaviek.
 |
Sankcyi vyrašana praciahnuć u suviazi z tym, što, na dumku kiraŭnictva Biełaha doma, dziejnaść hetych aficyjnych pradstaŭnikoŭ Biełarusi «praciahvaje stvarać asablivuju i vyklučnuju pahrozu dla nacyjanalnaj biaśpieki i źniešniaj palityki ZŠA».
Nahadajem, u červieni 2006 hoda prezident ZŠA padpisaŭ ukaz ab finansavych sankcyjach u dačynieńni da dziesiaci biełaruskich čynoŭnikaŭ, «adkaznych za padryŭ demakratyčnych pracesaŭ i instytutaŭ, parušeńnie pravoŭ čałavieka, dziaržaŭnuju karupcyju».
Ukazam błakirujecca ŭłasnaść hetych čynoŭnikaŭ i ich prava na ŭłasnaść u ZŠA, rachunki i mahčymaść finansavych apieracyj, a amierykanskim kampanijam i pryvatnym asobam zabaroniena zaklučać ździełki z hetymi słužbovymi asobami. Da ŭkaza prykładajecca śpis ź dziesiaci proźviščaŭ.
U ich liku — prezident Alaksandr Łukašenka i jaho syn Viktar Łukašenka, namieśnik kiraŭnika administracyi prezidenta Natalla Piatkievič, ministr justycyi Viktar Hałavanaŭ, staršynia Biełdziaržteleradyjokampanii Alaksandr Zimoŭski, staršynia KDB Ściapan Sucharenka, dziaržsakratar Savieta biaśpieki Viktar Šejman, kamandzir bryhady śpiecyjalnaha pryznačeńnia ŭnutranych vojskaŭ MUS Dźmitryj Paŭličenka, ministr unutranych spraŭ Uładzimir Navumaŭ, kiraŭnik Centrvybarkama Lidzija Jarmošyna.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary