Kiraŭnička Sajuzu palakaŭ na Biełarusi atrymała 1 400 000 rubloŭ štrafu za arhanizacyju niesankcyjanavanaha mierapryjemstva.
 |
Pavodle administracyjnaha pratakoła, składzienaha supracoŭnikami hrodzienskaj milicyi, Anžaliku Borys abvinavacili ŭ arhanizacyi niesankcyjanavanaha mierapryjemstva — kancercie znakamitaha polskaha hurta Lombard, jaki adbyŭsia ŭ Hrodnie 2 traŭnia.
Anžalika Borys i pradstaŭniki Hienieralnaha konsulstva Respubliki Polšča ŭ Hrodnie nieadnojčy źviartalisia da miascovych uładaŭ z prapanovaj pradastavić pamiaškańnie dla praviadzieńnia kancerta Lombard, jaki naviedaŭ horad u Suśvietny dzień palakaŭ, što pražyvajuć pa‑za miežami svajoj krainy. Adnak čynavienstva, spasłaŭšysia na adsutnaść pamiaškańniaŭ, admoviła ŭ pradastaŭleńni zali. U vyniku kancert adbyŭsia na terytoryi pryvatnaj firmy «Fort», jakaja dała dazvoł na praviadzieńnie mierapryjemstva.
Anžalika Borys ličyć, što dziejańni ŭładaŭ ničoha, akramia ździŭleńnia i nieparazumieńnia, nie vyklikajuć, i źviazvaje zachady suprać siabie z toj situacyjaj, jakaja na siońniašni dzień isnuje ŭ krainie.
Dniami «za aktyŭny ŭdzieł u niesankcyjanavanym mierapryjemstvie» — kancercie hurta Lombard u Hrodnie sud Leninskaha rajona pryznačyŭ štrafy bujnych pamieraŭ kiraŭniku abłasnoj supołki Abjadnanaj hramadzianskaj partyi Juryju Istominu i Viktaru Sazonavu, namieśniku staršyni partyi «Biełaruskaja sacyjał‑demakratyčnaja hramada».
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary