U festyvali ŭdzielničajuć teatralnyja kalektyvy z Polščy, Čechii, Słavaččyny, Biełarusi j Ukrainy.
Štohadovy festyval — svajeasablivaja platforma dla tvorčaha abmienu j spabornictva teatralnych tradycyjaŭ krain Centralnaj i Ŭschodniaj Eŭropy.
U hetym hodzie festyval «Susiedzi» adbyvajecca ŭ miežach Eŭrapejskaha Hodu mižkulturnaha dyjalohu, spansavanaha Eŭrapejskim Źviazam.
Akramia teatralnych vystupaŭ, u miežach festyvalu adbuducca kancerty, vystavy j sustrečy‑abmierkavańni.
Što tyčycca teatralnych vystupaŭ, u asnoŭnym jany adbyvajucca ŭ troch katehoryjach: sceničnyja pastanoŭki, vuličnyja pradstaŭleńni j roznyja formy dziciačaha teatru.
Zhodna z prahramaj festyvalu «Susiedzi», 12 červienia Sučasny mastacki teatar pradstavić spektakal «Małyš i Karłsan» pa matyvach tvoru Astryd Lindhren.
13 červienia Bieraściejski teatar dramy j muzyki vystupić sa spektaklam «Viečar», a Svabodny teatar z Brestu pakaža «Bandaroŭnu» pavodle Janki Kupały.
«Parad», dzieja Svabodnaha teatru, adbudziecca ŭ dzień zakryćcia festyvalu 14 červienia ŭ Lublinskim zamku.
Kamientary