Baćka Fomačkina: «Jaki Andrej biełarus? Jon naradziŭsia ŭ Polščy i my žyli ŭ Armaviry»
Baćka Andreja Fomačkina, jaki ŭ składzie biełaruskaj delehacyi pranios na adkryćci Paralimpijskich hulniaŭ rasijski ściah, Vasil Paŭłavič prakamientavaŭ učynak syna.
— My z synam kožnuju subotu stelefanoŭvajemsia. Kali ja daviedaŭsia navinu, što rasijskich paralimpijcaŭ adchilili, to nie vieryłasia ŭ takuju niespraviadlivaść. Skazaŭ jamu tady pa telefonie: «Voś svołačy, nie puskajuć Rasiju. Ty ž sam rasijanin, ustań na abaronu». A Andrej adkazaŭ: «My što-niebudź prydumajem!». Ale nie kazaŭ, što mienavita. Ja navat zabyvać staŭ pra hetuju razmovu. Potym tolki, kali ŭsie haziety nadrukavali jaho fatahrafiju z rasijskim ściaham — uspomniŭ našu apošniuju hutarku. Nu voś, atrymlivajecca, słova svajo strymaŭ… Ustaŭ na abaronu nie tolki Rasii, ale i sportu: tamu što sport pavinien być pa-za palitykaj.
— A adrazu paśla svajho ŭčynku jon vam telefanavaŭ z Rya?
— Tak, ale, jak na hrech, ja trubku nie paśpieŭ uziać, na aharodzie byŭ.
— Pačakajcie, vy kažacie, što Andrej — rasijanin?.. Usie ŚMI jaho biełarusam nazyvajuć…
— Dyk niapravilna heta! Ja — były vajskoviec, pa abaviazku słužby pajeździŭ pa roznych harnizonach. Andrej naradziŭsia ŭ Polščy, a potym my doŭhi čas žyli ŭ Armaviry. Tak što syn pa pravie moža nazvać siabie rasijaninam. U Minsk jon pierajechaŭ vučycca, dy tak tam i zastaŭsia. Uličvajučy jaho spartovyja zasłuhi (Andrej — pieramožca i pryzior Spartakijady narodaŭ SSSR), adzin z trenieraŭ paabiacaŭ jamu dapamohu pry pastupleńni. Ale Andreju ničoha hetaha nie treba było: jon usio ispyty ŭ biełaruski instytut narodnaj haspadarki na piaciorki zdaŭ! Jon zaŭsiody taki: ščyry, sumlenny, biez kamienia za pazuchaj…
— A ci było takoje, što i raniej za inšych zastupaŭsia?
— Jon śmieły, ryzykovy, zaŭsiody ŭsim dapamahaje i abaraniaje niespraviadliva pakryŭdžanych. Praŭda, vy pra heta nie pišycie, što ŭ hetym takoha?.. Była historyja, što jon i za inšych zastupaŭsia, mordy za spartsmienaŭ biŭ. I kazaŭ: «Kranieš jaho — jašče raz dam!». I ja hanarusia, što jon nikoli sabie nie zdradžvaje!
— Čym zojmieciesia, kali syn vierniecca z Brazilii?
— Na rybałku pojdziem: heta naš samy lubimy zaniatak!
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary