Staršynia Minharvykankama Andrej Šorac siońnia padpisaŭ chartyju ab dałučeńni Minska da Jeŭrapiejskaha tydnia mabilnaści (projdzie z 16 pa 22 vieraśnia). Uračystaja cyrymonija adbyłasia ŭ Minskaj haradskoj ratušy.
«Udzieł u Jeŭrapiejskim tydni mabilnaści — heta čarhovy krok da taho, kab našy hramadzianie aktyŭna vykarystoŭvali rovary, hramadski transpart i inšyja srodki pieramiaščeńnia, alternatyŭnyja aŭtamabilu, — adznačyŭ mer biełaruskaj stalicy. — Heta budzie spryjać tamu, što Minsk stanie jašče bolš ekałahična čystym, jašče bolš kamfortnym dla pražyvańnia horadam».
Pastajanny pradstaŭnik PRAAN u Biełarusi Sanaka Samarasincha na cyrymonii padpisańnia chartyi paviedamiŭ, što letaś tolki 3 biełaruskija harady padtrymali Jeŭrapiejski tydzień mabilnaści, a sioleta ŭžo zarehistravana 12 udzielnikaŭ pa ŭsioj respublicy. «Minsk hatovy prytrymlivacca pryncypaŭ Jeŭrapiejskaha tydnia mabilnaści na praciahu ŭsiaho hoda», — dadaŭ jon.
Prajekt Jeŭrapiejskaha tydnia mabilnaści zavajoŭvaje ŭsio bolšuju papularnaść va ŭsim śviecie. Jaje deviz — «Razumnaja mabilnaść — mocnaja ekanomika». U miežach hłabalnaj kampanii 22 vieraśnia tradycyjna projdzie Suśvietny dzień biez aŭtamabila, kali kiroŭcam prapanujecca na adzin dzień admovicca ad aŭtamabila i skarystacca hramadskim transpartam.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary