«My — naščadki lićvinaŭ». Eks-kapitan paralimpijcaŭ padzialiŭsia pohladam na vychad biełaruskaj delehacyi z rasijskim ściaham u Rya

Kapitan zbornaj Biełarusi na łondanskaj Paralimpijadzie-2012 i vice-čempijon piekinskich Hulniaŭ-2008 u turniry špažystaŭ Mikałaj Bieźjazyčny u hutarcy z karespandentam Sport.tut.by padzialiŭsia svaim pohladam na žest salidarnaści našych paralimpijcaŭ z adchilenymi ad Rya-2016 rasijanami, adšukaŭ u akcyi biełaruskaj delehacyi jak stanoŭčyja, tak i admoŭnyja momanty.

Pavialičyć

— Ja prychilnik niezaležnaj Biełarusi i liču, što my — naščadki lićvinaŭ. Tamu naša pazicyja pavinna być bolš niezaležnaj. U mianie šmat siabroŭ-paralimpijcaŭ u zbornaj Rasii, ale, na moj pohlad, padtrymku im možna było akazać inšym sposabam, nie parušajučy momanty niezaležnaści našaj krainy.

— Jak ličycie, nakolki surjoznaj była pahroza sankcyj da biełaruskaj kamandy paśla taho, jak Andrej Fomačkin prajšoŭsia na paradzie adkryćcia z rasijskim ściaham?

— Upeŭnieny, što da hetaha nie dajšło b. Mižnarodny paralimpijski kamitet nie advažyŭsia b na toje, kab adchilić ad udziełu ŭ Hulniach jašče adnu zbornuju. Kali ryzyka i była, dyk minimalnaja. Dumaju, pradstaŭniki našaha štaba ŭličvali heta, kali išli na taki krok.

— Jak staviciesia da taho, što biełaruskich paralimpijcaŭ-kalasačnikaŭ mižnarodnyja spartyŭnyja funkcyjaniery skrucili, kali adbirali ŭ ich rasijskija ściahi pierad paradam adkryćcia Hulniaŭ?

— Ja pakul nie stelefanoŭvaŭsia ni z kim z našych u Rya, ale słaba ŭjaŭlaju sabie takuju karcinu. Nie dumaju, što ŭsio było nastolki dramatyčna. Mahčyma, usio abyšłosia vierbalnym kantaktam.

— Ci stała dla vas niečakanaściu, što biełarusy navažylisia pranieści rasiejski ściah, niahledziačy na papiaredžańnie MPK, jaki jašče ŭ žniŭni pieraściaroh, što taki krok budzie rascenieny jak palityčny pratest?

— Nie, nie było. Ja prykładna takoha čahości čakaŭ. Tamu što staršynia Paralimpijskaha kamiteta Biełarusi Aleh Šepiel — čałaviek pryncypovy i pajšoŭ by na heta, niahledziačy na papiaredžańnie. Heta było čakana.

— Jak vy ŭspryniali fakt adchileńnia rasijskich paralimpijcaŭ ad Hulniaŭ u Rya?

- Heta žudasna. Dumaju, niama ludziej na postsavieckaj prastory, chto pa-inšamu aceńvaŭ by situacyju. Heta katastrofa dla paralimpijskaha ruchu. Tym bolš, što spartsmieny paciarpieli nie pa svajoj vinie. Hetyja 35 proźviščaŭ paralimpijcaŭ, jakija niezrazumieła kali apublikuje VADA … Bo ŭ lubym vypadku heta buduć nie tyja ludzi, jakich adchilili ad Paralimpijady ŭ Rya. Heta asabistyja dramy ludziej, jakija išli da hetych Hulniaŭ stolki hadoŭ. Dla mnohich, viedaju dakładna, hetaja Paralimpijada stała b apošniaj.

Nie viedaju, čym tam skončacca ŭ płanie materyjalnaj uznaharody tyja Hulni, jakija arhanizavała dla rasijskich paralimpijcaŭ ich dziaržava ŭ jakaści kampiensacyi za niavyjezd u Rya. Ale ja nie ŭpeŭnieny, što buduć raŭnaznačnyja pryzavyja ŭ niekatorych vidach sportu. Heta ž u cykličnych vidach možna paraŭnać vyniki z pakazanymi ŭ tym ža Rya siekundami, mietrami i vyrašyć, chto vyjhraŭ. A voś u adzinaborstvach jak buduć aceńvać vynik? Voś u špazie, dapuścim, 5 čałaviek vystupajuć u adnym kłasie. I što, usioj trojcy miedalistaŭ daduć pryzavyja, jak na Hulniach? Heta naŭrad ci.

— Zhodna z aficyjnaj viersijaj, žest salidarnaści z rasijskimi paralimpijcami byŭ rašeńniem ŭsioj biełaruskaj kamandy.

- Mnie ciažka pra heta kazać. Ni z kim z paralimpijcaŭ pakul jašče nie kamunikavaŭ z hetaj nahody. Ale naohuł, bačycie, jak hety vypadak na paradzie adkryćcia pryciahnuŭ cikavaść da Paralimpijady. Bo mała chto pra ich viedaŭ, kali Hulni prachodzili ŭ Piekinie abo Łondanie. A ciapier dziakujučy hetaj šumisie ŭsie Paralimpijadu abmiarkoŭvajuć. Spadziajusia, što dziakujučy zołatu Ihara Bokija pad hety šum infarmacyjnaja iniercyja padtrymaje cikavaść da Hulniaŭ i dalej.

Pavialičyć

— Vy ž vyrašyli zaviaršyć karjeru. Čamu?

- Ja išoŭ u rejtynhu dobra, možna było pajechać jašče na niekalki turniraŭ, kab adabracca ŭ Rya. Ale hetaja padrychtoŭka zanadta doraha abyšłasia b zdaroŭju, tamu što pry padrychtoŭcy da Paralimpijady nahruzki vielmi surjoznyja, a zdaroŭje padvodzić. Ale naohuł, maju nadzieju zastacca jak maha bližej da sportu, usio-tki ŭsio žyćcio ź dziacinstva ź im źviazany.

• 0
• 0
• 0
• 0
• 0
• 0
• 0
• 0