Vital Taŭstyha. Fota: vybory2016.by
Pieramohu (61,5%) addali ciapierašniamu deputatu Alaksandru Siahodniku, jaki da rajona nie maje nijakaha dačynieńnia. Naziralniki adznačali, što ŭ realnaści za Taŭstyhu jak za «svajho chłopca» hałasavali našmat bolš ludziej. Na mnohich učastkach jon pieramahaŭ u asnoŭny dzień hałasavańnia.
Vital nie ździŭleny padtrymkaj nasielnictva: «Ja ž sam vaŭkavyski, tut usie adzin adnaho viedajuć».
My zapytalisia ŭ eks-kandydata, ci źbirajecca jon praciahvać palityčnuju karjeru. Darečy, dla jaho heta była pieršaja sproba siabie ŭ palitycy.
«Chacieŭ štości źmianić, dapamahčy, naładzić krychu, — raspavioŭ Vital Taŭstyha. — Najpierš ja havaryŭ pra haradskija, łakalnyja prablemy. Ale projhryš jość projhryš, treba było lepš rychtavacca. Dalej u palityku prabivacca nie budu, heta pustoje marnavańnie času».
Kamientavać spraviadlivaść hetych vybaraŭ Vital pa telefonie nie zachacieŭ.
Eks-kandydat zajmajecca pradprymalnictvam, jurydyčnaj dziejnaściu. Jaho chobi — fatahrafavańnie viasiellaŭ.
