U handlovym centry ALL na Daŭhinaŭskim trakcie adkryłasia Škoła viadźmarstva i čaraŭnictva dla amataraŭ knih i filmaŭ pra Hary Potera — maładoha čaraŭnika, jaki zmahaŭsia sa złom.
«Napiaredadni prezientacyi ruskaha pierakładu 8-j knihi pra Hary Potera my stvaryli svaju Škołu viadźmarstva i čaraŭnictva. Da dnia naradžeńnia handlovaha centra ALL my vyrašyli padnieści padarunak usim poteramanam. My čakajem u hości jak dziaciej, tak i ich maładych baćkoŭ — bo ŭ Biełarusi vyrasła ŭžo dva pakaleńni ludziej, zakachanych u čaroŭny śviet Roŭlinh, — kaža Volha Ciškievič, śpiecyjalist pa markietynhu kampanii «A-100 Deviełapmient», kirujučaj handlovym centram. — My płanujem «pryniać» u našu Škołu kala 50 tysiač «vučniaŭ» — pavodle papiarednich padlikaŭ, mienavita stolki ludziej naviedaje jaje da kanca listapada. Tut taksama buduć adbyvacca sustrečy poteramanaŭ — tak što rychtujciesia. Dumaju, jany buduć cikavyja nie tolki fanatam knihi, ale i ŭsim tym, chto choča trochi paciešycca ŭsioj siamjoj abo znoŭ adčuć siabie dziciem».
Unutry «škoły» znachodziacca 8 aktyŭnaściaŭ, u kožnaj ź jakich možna ŭbačyć znajomych piersanažaŭ i papraktykavacca ŭ mahičnych mastactvach.
Uvachod budzie biaspłatnym, akramia ŭvachodu ŭ «Pakoj biełaj mahii», dzie naviedvalniki adčujuć minusovy choład i buduć uražanyja ekspazicyjami ŭnutry:
Dyrektar Chohvartsa — prafiesar Dambłdar.
Elf Dobi.
Cana ŭvachodu ŭ ledziany pakoj — 3 rubli. Astatniaje naviedvalniki zmohuć panazirać absalutna biaspłatna. Kuplajučy kvitok u «Pakoj biełaj mahii», naviedvalniki taksama atrymlivajuć mahčymaść vyjhrać śpiecyjalny pryz — kožny hość ledzianoha pakoja stanovicca ŭdzielnikam rozyhryšu padarožža ŭ Łondan u Muziej Hary Potera.
Usio ŭ «škole» vykanana ŭ stylistycy filma i knihi pra čaraŭnika Hary Potera:
Kamora, u jakoj žyŭ Hary Poter u siamji Durślaŭ. U kožnaha naviedvalnika budzie mahčymaść sfatahrafavacca ŭ joj.
Škoła viadźmarstva i čaraŭnictva, pa słovach arhanizataraŭ, samy maštabny prajekt. Padobnyja atrakcyjony jość u mnohich haradach śvietu — ad Łondana da Łos-Andželesa. Štohod ich naviedvajuć miljony fanataŭ knihi. U Minsku padobnaha interaktyvu nie było za ŭsie 20 hadoŭ ad startu pateryjany.
Patrapić na vystavu budzie mahčyma da 30 listapada.
