Premjer Ukrainy Uładzimir Hrojsman zajaŭlaje, što Ukraina vystupaje za mir z Rasijaj, ale tolki na svaich umovach. Pra heta jon zajaviŭ, vystupajučy ŭ subotu ŭ ramkach 13-j štohadovaj sustrečy Jałcinskaj jeŭrapiejskaj stratehii (YES).
![](http://nashaniva.com/img/w732d4webp1/photos/z_2016_09/groijsman160917-q9258.jpg.webp)
«Mir, absalutny mir, tolki na našych umovach. Bo my nie jość krainaj-ahresaram, jaki choča zachapić inšyja terytoryi», - skazaŭ jon, adkazvajučy na pytańnie, jak jon bačyć budučyniu adnosinaŭ z Rasiejaj.
«Ja nie zhodny z tym, što hučać acenki kanfliktu Rasii i Ukrainy. Ja dumaju, što hety kanflikt bolš hłabalny», - skazaŭ Hrojsman, dadaŭšy, što heta kanflikt pamiž dvuma śvietami — demakratyčnym i tym, jaki «nie razumieje, što takoje demakratyja».
Pavodle jaho słoŭ, kanflikt va Ukrainie źjaŭlajecca vyklikam dla ŭsich demakratyčnych krain śvietu, «jakija ličać, što kaštoŭnaści nielha źmianiać siłaj, za kaštoŭnaści treba zmahacca».
«Pytańnie staić - chto nastupny? Było b vielmi naiŭna ličyć, što ahresar spynicca na tym, što jon zrabiŭ», - skazaŭ Hrojsman.
Pavodle jaho słoŭ, «ahresar pavinien admovicca ad svaich płanaŭ zabivać, zachoplivać, pradstaŭlać pahrozu».
Kamientary