Eduard Palčys — zasnavalnik i aŭtar 1863x.com — nakiravaŭ skarhu ŭ Mienski haradzki sud. Jon nia zhodny z rašeńniem sudu Centralnaha rajonu, jaki pryznaŭ dzieviać artykułaŭ jahonaha sajtu ekstremisckimi.
Eduard Palčys ličyć, što sud pryniaŭ svajo rašeńnie biez daśledavańnia samich artykułaŭ, pryznanych ekstremisckimi, paviedamiła Svabodzie Viktoryja, žonka Palčysa.
Taksama Eduard u piśmovym vyhladzie prasiŭ sud zaprasić jaho na sudovaje pasiedžańnie 25 žniŭnia, pakolki razhlad zajavy Śledčaha kamitetu pa sajcie 1863x.com niepasredna zakranaje pravy Palčysa jak u hetaj spravie, tak i ŭ kryminalnaj.
Sudździa Maryna Kazłova 25 žniŭnia paviedamiła, što Eduard byŭ naležnym čynam apavieščany pra datu słuchańnia, ale ŭ sudzie nie źjaviŭsia. Tamu sud pryniaŭ rašeńnie razhladać spravu bieź jaho.
«Tut vidavočnaje parušeńnie jaho pravoŭ, — skazała Viktoryja Palčys. — Važna, kab heta było ŭsim viadoma».
Zaraz Mienski haradzki sud budzie razhladać skarhu pra niasłušnaść pryniataha rašeńnia. Toje, što ŭ artykułach znajšli ekstremizm, jość dokazam dla kryminalnaj spravy taho, što Eduard Palčys ekstremist.
Pa słovach Viktoryi Palčys, Eduarda praciahvajuć utrymlivać u SIZA ŭ Žodzinie. Daty pasiadžeńnia pa kryminalnaj spravie jašče nie viadomaja.
