Paśla miesiačnaha tura pa Štatach «Stary Olsa» narešcie naviedaŭ Ńju-Jork. 21 vieraśnia Bruklin staŭ 21-m horadam, dzie adbyŭsia kancert hurtu. Prosta kancertam heta navat nie nazavieš, heta było vydatnaje šou.
Hučali tvory z «Połackaha sšytka», najlepšyja kaviery z alboma «Medieval classic rock» i rycarskija pieśni. Taksama Maryja Šaryj pakazvała bazavyja ruchi «Krakaviaka», «Ojry» i «Dryhuły», tančyli maładyja i starejšyja, biełarusy i amierykancy.
Enierhietyka była niejmaviernaja. Paśla asnoŭnaj prahramy natoŭp nie chacieŭ razychodzicca, kryčali: «Jašče, kali łaska!», try razy vyklikali hurt na bis. Muzyki padčas vystupu navat kazali: «Kab vašuju publiku dy na našyja kancerty ŭ Biełarusi». Natoŭp pravodziŭ hurt słovami: «Dziakujem! Žyvie Biełaruś!»