Zahinuły Bierkie Ciululer u Bieraściejskaj krepaści, 2015 hod
Uviečary 23 vieraśnia stała viadoma, što student Minskaha dziaržaŭnaha linhvistyčnaha ŭniversytetu zahinuŭ u vyniku padzieńnia z 9-ha pavierchu internatu ŭ studenckim haradku.
Vyjaviłasia, što heta byŭ 22-hadovy student pierakładnickaha fakultetu Bierkie Ciululer, jaki pachodziŭ z Tureččyny. Niabožčyk žyŭ na 13-m paviersie taho samaha internatu. Pra heta Radyjo Svaboda paviedamiŭ siabar zahinułaha Mert Kiułachdžyłar.
Baćki Bierkie ŭžo pryjechali ŭ Miensk. Ad sustrečy z žurnalistami Svabody jany admovilisia i paprasili siabroŭ syna taksama nie rabić hetaha.
«Baćki paprasili, kab vy napisali pra toje, što ŭžyli zachady, kab zrabić internaty bolš biaśpiečnymi. Taksama jany ŭbačyli ŭ navinach, što jon pachodziŭ z Turkmenistanu, a jon byŭ z Tureččynyi», — paviedamiŭ Mert Kiułachdžyłar.
«Tam adzin aranžavy budynak i dva kryły. Heta zdaryłasia ŭ kryle MDŁU. Jon byŭ u chatnim adzieńni. Kali jon padaŭ, to kryčaŭ, i było adčuvańnie, što jon choča źmiakčyć padzieńnie. Studenty MDŁU kažuć, što jaho skinuli», — paviedamiła Radyjo Svaboda studentka žurfaku BDU, internat jakoj raźmiaščajecca ŭ tym samym budynku.
Studentka linhvistyčnaha ŭniversytetu, jakaja žyvie na 10-m paviersie kaža, što ŭ hety dzień chłopiec z kimści mocna pasvaryŭsia. Jana prosić nie nazyvać jaje imia.
U dzień zdareńnia zahinuły student adsutničaŭ na zaniatkach.
Kamientary