Niekalki tydniaŭ tamu ŭ Vilenski aeraport prybyli 20 mihrantaŭ ź Siryi. Heta try siamji — šaściora darosłych i 14 dziaciej. Ich siudy pryvieźli z tureckich łahieraŭ dla biežancaŭ.
LNK
«Usio roŭna, jakaja kraina, bahataja ci nie, čałaviek choča žyć u biaśpiecy», — skazaŭ tady mihrant ź Siryi Machamied Ali Abduła.
Ale, akazvajecca, dla ich važna, kab kraina była bahataja. Mienavita hetaja siamja, jak tolki pryjechała ŭ Centr pryniaćcia biežancaŭ, stała strajkavać — nie pahadziłasia padpisvać pahadnieńnie ab intehracyi ŭ Litvie, paviedamlaje LNK.
Siamja stała patrabavać, kab jaje adpravili ŭ Kanadu. Siamja składajecca z 5 čałaviek — 36-hadovaha kraŭca, 29-hadovaj chatniaj haspadyni i ich traich dziaciej.
Ali Abduła zhadziŭsia raskazać, što im nie padabajecca ŭ Litvie.
«Ja jašče nie viedaju, jak u Litvie iduć spravy z achovaj zdaroŭja, ale ja ŭžo baču, što jak chvory čałaviek, chutčej za ŭsio, nie zmahu pracavać, tamu nie zmahu ŭtrymlivać siamju ŭ hetaj krainie. Zrazumiejcie, jak mnie tut žyć i ŭtrymlivać siamju. Ja pajdu lačycca, pavinien budu siadzieć doma, nie pracavać. Dyk vypłaty, jakija tut płaciać, i dapamohi, chutčej za ŭsio, nie pakryjuć ni vydatki na žyllo, ni inšyja vydatki», — skazaŭ Ali Abduła.
Niekalki tydniaŭ tamu jon kazaŭ zusim inšaje. «Ja mahu pracavać, kali jość prapanovy, usio roŭna, pra jakuju pracu idzie havorka», — skazaŭ jon tady. Ciapier biežaniec śćviardžaje, što AAN ašukała jaho, nakiravaŭšy ź siamjoj u Litvu.
«Kali mnie skazali, što Litva taksama prymaje biežancaŭ, hałoŭnaje pytańnie, jakoje mianie chvalavała — ci ŭsie pravy buduć jak u Hiermanii, Šviecyi, u inšych krainach ES. Mnie skazali — tak, Litva taksama siarod krain kłasa A. Ale kali my pryjechali i namieśnik dyrektara hetaha centra patłumačyła nam praces intehracyi i raspaviała pra vypłaty, ja zrazumieŭ, što apynuŭsia ŭ nieałpaviednym miescy», — skazaŭ mihrant.
Praź niekalki dzion siryjec sastupiŭ — padpisaŭ pahadnieńnie, kali jamu patłumačyli, što budzie, kali nie padpiša.
«Vidać, abmiarkoŭvalisia b pytańni až da viartańnia tudy, adkul jany pryjechali, heta značyć, u Turcyju, ŭ vajennuju zonu ich dakładna nichto nie viarnuŭ by», — skazaŭ vice-ministr Sacmina Alhirdas Šešełhis.
«Jak jany sami kažuć, jany nibyta nie ŭ tuju krainu trapili, kudy chacieli, jak ŭjaŭlali, ci im nie tuju infarmacyju dali, ci nie tak pradstavili, moža z-za strachu spačatku nie padpisvali hetyja dva dakumienty, ale ciapier pahadzilisia», — skazaŭ dyrektar centra pryniaćcia biežancaŭ Robiertas Mikulenas.
Ciapier siamja ź Siryi z dapamohaj advakataŭ cikavicca mahčymaściu skardzicca ŭ AAN z-za pierajezdu ŭ Litvu.
«Dapamahajuć, tak, miascovyja jurysty z dapamohaj pierakładčykaŭ, tamu što im takija pasłuhi ŭ nas dajuć. Ja dumaju, my pavinny heta rabić. Pierśpiektyvy ŭ budučyni ich nichto nie pazbaŭlaje. Jany ciapier žyvuć u biaśpiecy, jany zmohuć znoŭku acanić situacyju, zirnuć na svaje mahčymaści, praanalizavać usio, jakija jość mahčymaści i vyznačycca pra dalejšaje žyćcio. Niama, skažam, takoha, što jany pryjechali ŭ Litvu jak u turmu i ich tut zamknuli», — skazaŭ Šešełhis.
Susiedka Litvy Łatvija pryniała 45 biežancaŭ, ale bolš za pałovu ź ich užo pierajechali ŭ Hiermaniju. Pa źviestkach LNK, jany atrymali prytułak u Hiermanii, pakolki Łatvija nibyta parušyła ich pravy — pa telebačańni pakazali ich žančyn ź niepakrytymi hałovami.
