Vieteran izrailskaj palityki, eks-prezident Šymon Pieres pamior na 94-m hodzie žyćcia.
Jak paviedamlali krynicy ŭ jahonym atačeńni, stan 93-hadovaha Pieresa rezka pahoršyŭsia na hetym tydni — paśla pieraniesienaha raniej u hetym miesiacy insultu. 13 vieraśnia jon byŭ dastaŭleny ŭ balnicu niedaloka ad Tel-Aviva. Z hetaha momantu Pieres znachodziŭsia ŭ stanie štučnaj komy, a taksama byŭ padłučany da aparata štučnaj vientylacyi lohkich.
Šymon Pieres zajmaŭ amal usie hałoŭnyja dziaržaŭnyja pasady ŭ Izraili: jon adpracavaŭ dva terminy na pasadzie premjer-ministra, a taksama niekalki razoŭ uznačalvaŭ ministerstva abarony Izrailu, ministerstva finansaŭ, ministerstva suviazi, MZS, MUS i inšyja viedamstvy. Z 2007 pa 2014 hady Pieres zajmaŭ pasadu prezidenta krainy.
U 1994 hodzie jon byŭ hanaravany Nobieleŭskaj premijaj miru — razam z premjer-ministram Icchakam Rabinam i paleścinskim lidaram Jasiram Arafatam — za rolu ŭ mirnych pieramovach u Osła, jakija pakłali pačatak pracesu pieradačy hramadzianskaj ułady Paleścinskaj aŭtanomii.
Šymon Pieres naradziŭsia 2 žniŭnia 1923 h. u biełaruskim Višnievie. U 1934 h. emihravaŭ u Paleścinu.
«Ničoha nie padaje ź nieba. My ŭ Izraili vielmi šmat pracavali. Što ŭ hetym drennaha? Nie viedaju… Ludzi iduć u adpačynak — heta pustaja trata času. Mnie ŭžo 90, i ja nikoli nie byŭ u adpačynku», — raskazvaŭ pra siabie Pieres.
Čytajcie taksama: Šymon Pieres: Treba maryć pra bolšaje — pramova, niby dla biełarusaŭ
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary