Padčas krušeńnia Boeing 777 avijakampanii Malaysia Airlines nad Danbasam pablizu ŭ pavietry nie było vajennych samalotaŭ. Takija vysnovy ŭtrymlivajucca ŭ pres-relizie Minabarony RF, jaki pastupiŭ u Slon Magazine.
«Nijakich inšych pavietranych abjektaŭ, akramia dvuch hramadzianskich łajnieraŭ, pablizu ad samalota radyjołakatar, raźmieščany na ŭschod ad miesca katastrofy, nie fiksavaŭ. Pa dadzienych rastoŭskaha łakatara «Ucios-T», raźmieščanaha pablizu pasiołka Uść-Daniecki, da momantu źniščeńnia MN17 pablizu samalota nie było nijakich inšych abjektaŭ», — zajaviŭ aficyjny pradstaŭnik viedamstva Ihar Kanašenkaŭ.
U Minabarony taksama padkreślili, što ŭ najbližejšy čas pieradaduć usiu atrymanuju infarmacyju hałandskamu boku.
Boeing 777 avijakampanii Malaysia Airlines paciarpieŭ krušeńnie nad Danbasam 17 lipienia 2014 hoda, usie 298 čałaviek, chto znachodziŭsia na borcie, zahinuli.
Mižnarodnaja kamisija, jakaja rasśledavała pryčyny katastrofy, u kastryčniku 2015 hoda pryjšła da vysnovy, što samalot byŭ źbity ź ziamli rakietaj, vypuščanaj z ustanoŭki «Buk». Aŭtary dakładu pakazali, što rakieta mahła być zapuščana z terytoryi ŭ 320 kvadratnych kiłamietraŭ. Chto mienavita zapuściŭ rakietu — ukrainskija vajennyja abo sieparatysty — u dakładzie nie pakazvałasia.
Na praciahu ŭsiaho času rasśledavańnia ŚMI fihuravała viersija ab tym, što samalot moh źbić ukrainski źniščalnik. U pryvatnaści, byŭ apublikavany videazapis ź miesca krušeńnia, na jakim pra heta kažuć sieparatysty, jakija prybyli na miesca padzieńnia adrazu paśla katastrofy.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary