Pamior patryjarch biełaruskaj kardyjałohii Uładzimir Harbačoŭ
5 kastryčnika na 91-m hodzie pamior udzielnik Vialikaj Ajčynnaj vajny, doktar miedycynskich navuk, prafiesar Uładzimir Vasiljevič Harbačoŭ.
Patryjarch biełaruskaj kardyjałohii, zasłužany dziejač navuki Respubliki Biełaruś, aŭtar šmatlikich prac, jon da apošniaha padtrymlivaŭ suviazi nie tolki z kalehami, ale i z šyrokaj hramadskaściu.
Jaho serca pierastała bicca paśla čarhovaha insultu.
Uładzimir Harbačoŭ u 15 hadoŭ staŭ partyzanam. Na jaho dolu vypaŭ praryŭ dramatyčnaj Ušackaj błakady, u 1944 hodzie trapiŭ u niamiecki pałon. Prajšoŭ praz surovyja vyprabavańni.
Skončyŭ Viciebski miedycynski instytut, u 1961 hodzie abaraniŭ kandydackuju dysiertacyju, a praz vosiem hadoŭ — doktarskuju.
Z 1970 hoda pracavaŭ u Biełaruskim instytucie ŭdaskanaleńnia daktaroŭ (z 2000 h. - Biełaruskaja miedycynskaja akademija paśladypłomnaj adukacyi): z 1970 h. pa 1992 h. - zahadčyk kafiedry terapii (z 1978 - kardyjałohii), u 1972-1984 hh. - prarektar pa navukovaj rabocie, u 1992-2008 h. - prafiesar kafiedry kardyjałohii.
Z 2002 h. - hanarovy akademik Biełaruskaj miedycynskaj akademii paśladypłomnaj adukacyi. Maje bolš za 250 drukavanych prac, u tym liku 15 manahrafij.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary