Biełaruś i Mižnarodny valutny fond damovilisia praciahnuć padrychtoŭku novaj kredytnaj prahramy, paviedamlaje pres-słužba ŭrada.
«Pradstaŭniki Biełarusi praviali sustrečy i pieramovy z kiraŭnictvam MVF i Suśvietnaha banka, pryniali ŭdzieł u pasiadžeńniach hrupy krain Centralnaj i Uschodniaj Jeŭropy ŭ MVF i bielhijskaj hrupy Suśvietnaha banka. U chodzie sieryi sustreč z namieśnikam dyrektara-rasparadčyka MVF Micuchira Furusava, dyrektaram Jeŭrapiejskaha departamienta MVF Połam Tomsienam, kiraŭnikom misii MVF pa Biełarusi Piteram Dołmanam abmiarkoŭvalisia klučavyja miery ekanamičnaj palityki, nakiravanyja na zabieśpiačeńnie makrafinansavaj zbałansavanaści i strukturnych pieraŭtvareńniaŭ ekanomiki», — paviedamili ŭ pres-słužbie.
Kiraŭnictva MVF «adznačyła prahres u realizacyi ŭradam i Nacyjanalnym bankam mier ekanamičnaj palityki». «Baki damovilisia pradoŭžyć uzajemadziejańnie pa acency ekanamičnaj situacyi i pa padrychtoŭcy prahramy MVF dla Biełarusi», - padkreślivajecca ŭ paviedamleńni.
Kamientary