Nie żyje Andrzej Wajda. Reżyser zmarł w niedzielę wieczorem.https://t.co/P85aFKTZPq pic.twitter.com/PgoFOp6YGo
Pamior polski režysior Andžej Vajda. Jamu było 90 hadoŭ. Jaho najvybitniejšyja filmy dazvalajuć lepš za ŭsio zrazumieć polskaha intelihienta. Polšča była hałoŭnaj temaj kino.
Andžej Vajda byŭ adnym z najvialikšych režysioraŭ u historyi kino, suzasnavalnik polskaj škoły kino, u tym liku pieramožcam siarebranaj palmy ŭ Kanach za film «Kanał» (1957), pryza FIPRESI ŭ Vieniecyi za «Popieł i dyjamient» (1959), Silver Shell u San-Siebaśćianie za «Viasielle» (1973), FIPRESI ŭ Kanach za «Čałavieka z marmuru» ( 1978) i Załatoj palmy za «Čałavieka z žaleza» (1981). Hety film raspaviadaje pra stanaŭleńnie niezaležnaha prafsajuza ŭ kamunistyčnaj Polščy.
Jaho čatyry filmy byli naminavanyja na «Oskara»: «Ziamla abiacanaja» (1976), «Dziaŭčaty ź Vilka» (1980), «Čałaviek z žaleza» (1982) i «Katyń» (2008). U Katyni zahinuŭ jaho baćka.
U 2000 hodzie Vajda atrymaŭ Oskara za žyćciovyja dasiahnieńni. Za niekalki tydniaŭ da jaho śmierci, jak kandydata na «Oskar» abvieščany apošni film — «Pavidoki» pra mastaka Uładzisłava Straminskaha, uradženca Minska.
Film Vajdy «Pavidoki» vyłučany na «Oskar»: hałoŭny hieroj — były vilajčanin i ŭradženiec Minska mastak Straminski
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary