Ułady Jeŭrasajuza na nastupnym tydni majuć namier abmierkavać uviadzieńnie novych sankcyj u dačynieńni da Rasii za jaje rolu ŭ paharšeńni situacyi ŭ Siryi, paviedamlaje The Wall Street Journal sa spasyłkaj na infarmavanyja krynicy.
Havorka, pavodle dadzienych vydańnia, idzie pra abmiežavalnyja miery ŭ dačynieńni da rasijskich aficyjnych asob. Pakul, adznačaje WSJ, u Vašynhtonie i Brusieli nie addadziena farmalnaha rasparadžeńnia pra padrychtoŭku «čornaha śpisu», adnak amierykanskija i jeŭrapiejskija dypłamaty ŭžo abmiarkoŭvajuć jaho mahčymyja paramietry.
Šerah niamieckich palitykaŭ, nahadvaje vydańnie, zajavili, što ŭ dačynieńni da Rasiei varta razhledzieć i novyja ekanamičnyja sankcyi, u tym liku zabarona na pastaŭku ŭ RF technałohij dvajnoha pryznačeńnia i zamarozku prajekta hazapravoda «Paŭnočny patok 2».

Kamientary