Palicyja Maskvy paćvierdziła infarmacyju pra napad na niepaŭnahadovuju dačku Fiodara Jemialjanienki i zaviadzieńni kryminalnaj spravy ŭ suviazi sa zdareńniem.
«Pa vynikach praviedzienaj pravierki infarmacyi ab źbićci niepaŭnaletniaj u centry Maskvy adździełam daznańnia UMUS Rasii pa rajonie Zamaskvarečča zaviedziena kryminalnaja sprava pa artykule 116 KK RF [«źbićcio»]».
12 kastryčnika žurnalistka haziety «Moskovskij komsomolec» i siabra Hramadskaj naziralnaj kamisii Maskvy Jeva Mierkačova paviedamiła, što ŭ kancy minułaha tydnia na 16-hadovuju dačku Fiodara Jemialjanienki napali, kali jana viartałasia dadomu sa škoły. Dziaŭčynu špitalizavali ŭ NDI nieadkładnaj dziciačaj chirurhii i traŭmatałohii z dyjahnazam «udar hrudnoj kletki i brušnoj połaści». U NDI haziecie «Sovietskij sport» paviedamili, što da ich pastupiła pacyjentka Maryja Jemialjanienka 1999 hoda naradžeńnia.
Pa słovach Mierkačovaj, u suviazi z napadam była zaviedziena kryminalnaja sprava pa artykule «źbićcio». U palicyi hetuju infarmacyju nie paćvierdzili, paviedamiŭšy, što pravodziać pravierku ŭ suviazi z paviedamleńniami pra napad.
***
Fiodar Jemialjanienka — znakamity bajec, kiraŭnik rasijskaha Sajuza MMA (źmiašanych adzinaborstvaŭ). U pačatku kastryčnika jon raskrytykavaŭ turnir pa MMA ŭ Hroznym, u jakim pryniali ŭdzieł dzieci (u tym liku syny kiraŭnika Čačni Ramzana Kadyrava), zaŭvažyŭšy, što niepaŭnaletnija, zhodna z praviłami MMA, nie pavinny spaborničać biez achoŭnaj ekipiroŭki, a dzieci da 12 hadoŭ naohuł nie dapuskajucca na turniry.
U adkaz prychilniki i nabližanyja Kadyrava pačali publikavać u sacsietkach abraźlivyja zapisy pra jaho. Paśla kiraŭnik Čačni zapatrabavaŭ ad ich vydalić hetyja dopisy.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ17
Kamientary