Upraŭleńniem Śledčaha kamiteta pa Minskaj vobłaści sumiesna z supracoŭnikami UUS Minabłvykankama i Dziaržaŭnaha kamiteta sudovych ekśpiertyz ŭstaloŭvajucca abstaviny zabojstva žančyny, trup jakoj byŭ znojdzieny ŭ vadaschoviščy ŭ Minskaj vobłaści.
30 vieraśnia hetaha hoda ŭ akvatoryi Vilejskaha vadaschovišča na adlehłaści 300 mietraŭ ad bierahavoj linii byŭ znojdzieny trup nieviadomaj žančyny ŭ spartyŭnaj sumcy z prykmietami hvałtoŭnaj śmierci.
Upraŭleńniem Śledčaha kamiteta pa Minskaj vobłaści pa hetym fakcie była zaviedziena kryminalnaja sprava pa art.139 (zabojstva) Kryminalnaha kodeksa Respubliki Biełaruś. Śledčyja abłasnoha ŭpraŭleńnia, supracoŭniki kryminalnaha vyšuku MUS Respubliki Biełaruś i UUS Minabłvykankama pracavali nad raskryćciom dadzienaha złačynstva.
Niekalki hadoŭ cieła paciarpiełaj padviarhałasia ŭździejańniu vady, što ŭjaŭlała asablivuju składanaść va ŭstalavańni asoby zahinułaj i abstavinaŭ jaje śmierci. Dla hetaha stvoranaj śledčaj hrupaj byŭ raspracavany paetapny płan apieratyŭna-vyšukovych mierapryjemstvaŭ i śledčych dziejańniaŭ.
U chodzie analityčnaj raboty ŭstanoŭlena, što zabitaja — žycharka Minska, 1974 hoda naradžeńnia, jakaja ličyłasia bieź viestak źnikłaj z maja 2013 hoda.
U vyniku zładžanych dziejańniaŭ u chodzie adpracoŭki sfarmavanych viersij pravaachoŭnymi orhanami ŭstanoŭlena dačynieńnie da zabojstva žančyny jaje byłoha muža.
Na pieršapačatkovym etapie rasśledavańnia ŭstanoŭlena, što zabojstva adbyłosia ŭ pačatku maja 2013 hoda ŭ arandavanym im haražy ŭ Minsku. Z metaj utojvańnia złačynstva mužčyna na aŭtamabili vyviez trup na Vilejskaje vadaschovišča, dzie ŭtapiŭ.
U ciapierašni čas praciahvajecca aktyŭnaja praca z zatrymanym, pravodzicca kompleks śledčych dziejańniaŭ, nakiravany na ŭstalavańnie ŭsich abstavinaŭ złačynstva, a taksama zamacavańnie pieršapačatkova atrymanych dokazaŭ.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ17
Kamientary