Mierkiel nie ličyć, što Ukrainie varta nieadkładna viarnuć kantrol nad miažoj
Kancler Niamieččyny Anhieła Mierkiel ličyć, što Ukraina pavinna atrymać kantrol nad ułasnaj miažoj «u kancy pracesu». Pra heta jana skazała na bryfinhu paśla zaviaršeńnia pieramoŭ u Bierlinie.
«Ukraina atrymaje kančatkovy kantrol nad ułasnaj miažoj tolki ŭ kancy pracesu, a da hetaha my majem zhodu, što naziralniki ABSIE mohuć ruchacca svabodna da miažy. Časam heta mahčyma, časam prablematyčna, i rasiejski prezydent heta adznačyŭ», — skazała jana.
Taksama, pa słovach Mierkiel, pytańnie ab uzbrojenaj misii ABSIE varta padniać tolki paśla zapusku vybarčaha pracesu ŭ Danbasie.
«Kali budzie isnavać zakon ab vybarach, i praces miascovych vybaraŭ buduć rychtavać, tady možna budzie havaryć i ab uzbrojenaj misii ABSIE», — skazała kancler.
Jak viadoma, u noč na 20 kastryčnika ŭ Bierlinie bolš za 4 hadziny praciahvalisia pieramovy narmandskaj čaćviorki: kanclera FRH Anhieły Mierkiel, prezidenta Francyi Fransua Ałanda, prezidenta Ukrainy Piatra Parašenki i prezidenta RF Uładzimira Pucina.
U chodzie sustrečy lidary krain damovilisia raspracavać «darožnuju kartu», jakaja stanie asnoŭnym dakumientam pa implemientacyi ŭsich Minskich pahadnieńniaŭ — ad 5 vieraśnia i miemaranduma ad 19 vieraśnia 2014 hoda i ad 12 lutaha 2015 hoda.
Ni adnaho dakumienta pa vynikach sustrečy padpisana nie było.
«Taksama damovilisia, što nichto nie budzie pieraškadžać dziejnaści ABSIE i padrychtoŭcy da budučych miascovych vybaraŭ, kali abaronnyja ŭmovy daduć nam mahčymaść ich pravodzić. Zaraz my zrobim sprobu, kab uvieści palicejskuju misiju ABSE, jakaja budzie zabiaśpiečvać biaśpieku jak na čas vybarčaha pracesu, tak i na pierachodny pieryjad», — skazaŭ paśla sustrečy Parašenka.
Publikujecca ŭ miežach śpiecyjalnaj rubryki «Naviny Hiermanii»
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Kamientary