Pamierła Śviatłana Pienkina — udava Uładzimira Mulavina
Pamierła Śviatłana Mulavina-Pienkina — savieckaja aktorka, udava zasnavalnika ansambla «Pieśniary» Uładzimira Mulavina.
Pra jaje śmierć stała viadoma 20 kastryčnika. Pa słovach rabotnikaŭ Biełdziaržfiłarmonii, u struktury jakoj pracavała Mulavina-Pienkina, niekalki dzion jana nie vychodziła na pracu, nie adkazvała na telefonnyja zvanki. Kalehi i syn pačali šukać žančynu i vyjavili jaje pamierłaj na zdymnaj kvatery. Dakładnaja data i pryčyna śmierci pakul nie viadomyja.
Śviatłana Pienkina naradziłasia 6 červienia 1951 hoda. Skončyła Minski teatralna-mastacki instytut. Viadomaść jak aktorka atrymała paśla roli Kaci ŭ savieckim 13-sieryjnym telefilmie «Błukańnie pa pakutach» pavodle adnajmiennaha ramana Alaksieja Tałstoha. U 1981 hodu vyjšaŭ na ekrany film «Bieražycie žančyn», u jakim Pienkina adyhrała adnu z hałoŭnych rolaŭ.
U tym ža hodzie Śviatłana Pienkina vyjšła zamuž za mastackaha kiraŭnika VIA «Pieśniary» Uładzimira Mulavina, praz hod u siamji naradziŭsia syn Valeryj. Paśla zamužža aktrysa źniałasia ŭ dvuch filmach u epizadyčnych rolach i zaviaršyła svaju karjeru.
Paśla śmierci Uładzimira Mulavina ŭ 2003 hodzie ŭ Biełdziaržfiłarmonii była stvorany muziej zasnavalnika «Pieśniaroŭ», dyrektaram jakoha pracavała Śviatłana Mulavina-Pienkina.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary