Hramadskaje abmierkavańnie prajekta detalovaha płanavańnia terytoryi žyłoj siadzibnaj zabudovy vioski Cna projdzie ŭ Minsku z 14 listapada pa 8 śniežnia. Pra heta infarmuje administracyja Savieckaha rajona stalicy.
Ziamielny ŭčastak zajmaje 570 ha, u prajekt uklučany terytoryja ŭ miežach vuł. Šyrokaja — vuł. Padolskaja — vuł. Kalcova — vuł. Sobinava — 4-y zav. Kalcova — zachodniaja miaža žyłoj zony 37Žm — paŭnočnaja miaža zony 37Žm — 1-y zav. Kalcova. Praduhledžanaja rekanstrukcyja žyllovaha fondu, budaŭnictva abjektaŭ žyllovaha, hramadskaha i kamunalna-absłuhovaha pryznačeńnia, dobraŭparadkavańnie zony adpačynku la Cnianskaha vadaschovišča.
Architektary zaprajektavali šmatuzroŭnievyja haražy, dziciačy sad, abjekty handlovaha i bytavoha absłuhoŭvańnia, dziciačy zabaŭlalny centr, fizkulturna-azdaraŭlenčy kompleks z basiejnam, vidoviščna-zabaŭlalny centr.
Z ekspazicyjnymi materyjałami prajekta možna aznajomicca z 14 pa 28 listapada ŭ viestybiuli 1-ha paviercha administracyi Savieckaha rajona Minska pa vuł. Daraševiča, 8 (paniadziełak-piatnica z 8.00 da 20.00). Prezientacyja adbudziecca 16 listapada ŭ 18.30 u pamiaškańni filijała BDEU «Minski handlovy kaledž».
