Čaćviora ŭdzielnikaŭ šviedskaj pop-hrupy ABBA Ahnieta Fieltskoh, Bjorn Ulvieus, Beni Andersan i Ani-Fryd Linhstad vyrašyli ŭźjadnacca dla padrychtoŭki novaha ličbavaha zabaŭlalnaha prajekta, paviedamlaje VVS.
AR
Paviedamlajecca, što prajekt budzie spałučać u sabie virtualnuju realnaść i štučny intelekt. Pradziusaram šoŭ stanie eks-mieniedžar hurtu Spice Girls Sajman Fuler.
«My vyvučajem novy technałahičny śviet, jaki dazvolić nam stvarać novyja formy zabaŭ, jakija my raniej nie mahli sabie ŭjavić», — havorycca ŭ zajavie Fulera.
Pa słovach Ani-Fryd Linhstad, prychilniki kalektyvu pa ŭsim śviecie ŭžo daŭno pytajucca pra mahčymaści ŭźjadnańnia muzykaŭ znakamitaha hurtu.
«Spadziajusia, što novy prajekt ABBA zachopić ich hetak ža, jak jon zachaplaje mianie», — skazała śpiavačka.
Beni Andersan nazvaŭ novuju zadumu hurtu «mašynaj času, jakaja pakazvaje nam, kim my byli i kim stali».
Padrabiaznaści novaha šou buduć viadomyja ŭ nastupnym hodzie.
Hurt ABBA byŭ utvorany ŭ 1972 hodzie i raspaŭsia ŭ 1982 hodzie. Za 10 hadoŭ kalektyŭ vypuściŭ vosiem albomaŭ i staŭ samaj paśpiachovym pop-hurtom Skandynavii: ahulny tyraž zapisaŭ pieravysiŭ 350 młn asobnikaŭ.
Paśla rasfarmiravańnia hrupy jaje ŭdzielniki źbiralisia razam tolki adnojčy: u červieni 2016 hoda na kancercie ŭ honar 50-hodździa pačatku tvorčaha supracoŭnictva Ulvieusa i Andersana.