Staršynia Viciebskaha abłvykankama: Na budaŭnictva Safijskaha sabora niama hrošaj
Na pratesty suprać budaŭnictva Safijskaha sabora ŭ Viciebsku zreahavaŭ staršynia abłvykankama Mikałaj Šarstnioŭ.
Ź inicyjatyvaj pabudovy Safijskaha sabora vystupiŭ archijepiskap Viciebski i Aršanski Dzimitryj. Dla budynka vyznačyli miesca na ŭschodnim bierazie Dźviny, pamiž vulicami Čechava i Uryckaha, u ździčełym parku Partyzanskaj Słavy. Jeparchija atrymała ŭsie dazvolnyja dakumienty.
Adnak ideja budaŭnictva vyklikała krytyku jak fiłasofskuju, tak i z punktu hledžańnia kamfortu haradžan.
Pa-pieršaje, isnuje ŭnikalny Safijski sabor u Połacku. Jak ličycca, jaho pabudova była źviazanaja z žadańniem połackich kniazioŭ śćvierdzić samastojnaść našych ziamiel — inšyja Safijskija sabory isnavali ŭ Kijevie i Noŭharadzie. Budaŭnictva jašče adnaj Safii, dy jašče takoj manumientalnaj, vyklikała nieŭrazumieńnie.
Pa-druhoje, haradžanie niehatyŭna pastavilisia da pierśpiektyvy zamieny parku kultavym budynkam. Na ich dumku, chramaŭ u centry horada dosyć. Jany kateharyčna suprać vysiečki starych drevaŭ.
U suviazi sa zvarotami hramadzian u orhany ŭłady pracoŭnuju naradu z udziełam kiraŭnictva Viciebskaha harvykankama, adpaviednych abłasnych słužbaŭ pravioŭ staršynia abłvykankama Mikałaj Šarstnioŭ. Jon naviedaŭ miesca budučaj budoŭli, kab na miescy vyvučyć dakumientacyju, prajekt, pryviazku da miascovaści.
— Dadzienaja terytoryja adnaznačna maje patrebu ŭ tym, kab jaje pryvieści ŭ paradak. Ale pakul nie vyrašana pytańnie z krynicaj finansavańnia ŭźviadzieńnia chrama (na hetyja mety nie praduhledžany i nie buduć vykarystanyja srodki ź biudžetu), razmova ab pačatku budaŭničych rabot zaŭčasnaja. Tut patrebny ŭzvažany kanstruktyŭny padychod, — cytuje Šarstniova hazieta «Vitiebskije viesti».
Takim čynam, ideju budaŭnictva mohuć adkłaści na śviatoha nikoli.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary