11-razovy čempijon śvietu pa muaj-taj i udzielnik hurtu «BRUTTO» Vital Hurkoŭ vykłaŭ na svajoj staroncy ŭ fejsbuk takoje fota.
Fota z fejsbuka Hurkova
Jak vyśvietliła «Naša Niva», hetaja sakołka — pieršy krok da ŭłasnaha brenda adzieńnia ad Vitala Hurkova.
«Ideja naradziłasia sama saboj, heta tolki pačatak, — skazaŭ nam Hurkoŭ. — U chutkim časie chaču vypuścić spartovuju liniejku adzieńnia, adkryć kramu ŭ adnym z handlovych centraŭ Minska».
Što da pieršaha prynta, to Hurkoŭ jaho raspracoŭvaŭ sam.
«Žyćcio padkazała mnie zadumu. Atrymałasia vielmi kanceptualna, mnie zdajecca, simvalična. Tvar Narodnaha čempijona — pieršaha spartoŭca, čempijona śvietu, jaki pačaŭ prasoŭvać biełaruskuju movu praz telebačańnie… Heta pavinna było stasavacca taksama ź niečym epachalnym, naprykład, sa šryftam pieršaj biełaruskaj haziety», — skazaŭ Hurkoŭ, majučy na ŭvazie «Našu Nivu».
«Hudzilin i Niedavierkaŭ atrymajuć sakołki biaspłatna. Dla astatnich cana — 20 rubloŭ. Nabyć možna budzie ŭžo na homielskim kancercie «BRUTTO», — dadaŭ baksior.
