Fejsbuk dazvolić svaim karystalnikam być bolš volnymi ŭ vykazvańniach. Pravavyja abmiežavańni na źmiest dopisaŭ u «Fejsbuku» nieŭzabavie źmieniacca, a novyja kryteryi i standarty pakul raspracoŭvacca.
Nahadajem, što 31 kastryčnika bolš za 70 pravaabarončych arhanizacyj źviarnulisia ź listom da Marka Cukierbierha, u jakim jany raskrytykavali sacyjalnuju sietku za šmatlikija vypadki vydaleńnia dopisaŭ karystalnikaŭ.
Pravaabaroncy ŭzhadali krytyku fejsbuka narviežskaj premjerkaj Ernaj Sulbierh.
Jon pačaŭsia paśla taho, jak administracyja sacsietki vydaliła znakamitaje fota Nika Uta časoŭ vjetnamskaj vajny «Žach vajny» sa staronki bujniejšaj u Narviehii haziety Aftenposten. Na hetaj vyjavie aholenaja vjetnamskaja dziaŭčynka biažyć ad napałmu.
Vydańnie apublikavała hetaje histaryčnaje fota, kab pakazać trahiedyju vajny, a maderatary pabačyli ŭ im parušeńnie praviłaŭ sacsietki, jakija zabaraniajuć demanstracyju aholenaha cieła, i vydalili jaho. Narviežski premjer Erna Sulbierh u znak salidarnaści z hazietaj raźmiaściła fota ŭ siabie na staroncy, i zaklikała Facebook pierahledzieć praviły publikacyi kantentu.
U svaim liście da Facebook pravaabaroncy ŭzhadali i inšyja vypadki, kali administracyja sacsietki vydalała fotazdymki, jakija fiksavali parušeńni pravoŭ čałavieka, ale farmalna jany nie adpaviadali praviłam fejsbuka.
Z padobnymi prablemami błakavańnia pastoŭ sutykalisia i ŭkraincy. «Olhinskija troli» arhanizavana skardzilisia administracyi sacsietki na praŭkrainski kantent. U vyniku časam absalutna narmalnyja foty albo aŭtary błakavalisia.
Naprykład, fejsbuk byŭ zabłakavaŭšy fota dziaŭčynki z Krapiŭnickaha, jakaja atrymała miedal «Za mužnaść i advahu» zamiest svajho baćki-sałdata, jaki zahinuŭ na Danbasie.
Kiraŭnictva amierykanskaj sacsietki adrazu ž adkazała pravaabaroncam.
«Praź niekalki tydniaŭ my pačniom dazvalać našym karystalnikam publikavać tyja rečy, jakija, na ich pohlad, važnyja, značnyja i zasłuhoŭvajuć taho, kab šyroka aśviatlacca ŭ miedyja, navat kali jany krychu vychodziać za miežy našych ciapierašnich standartaŭ», — adznačyŭ pradstaŭnik Facebook Patryk Uołkier.
Jak administracyja sacsietki budzie adroźnivać prajavy źniavahi i parnahrafii ad mastackich tvoraŭ i histaryčnych dakumientaŭ — pakul nieviadoma. Facebook tolki pačaŭ raspracoŭvać instrukcyi.
Tym nie mienš, hatoŭnaść fejsbuka prysłuchoŭvacca da krytyki nie zdymaje surjoznaha pytańnia, ci nie zašmat upłyvu na raspaŭsiudžvańnie infarmacyi ciapier majuć sacyjalnyja sietki i tyja, chto ich kantraluje? Ci nie stvaraje heta pahrozu demakratyi?
Raniej presa finansavałasia masaj čytačoŭ, jakija kuplali haziety ci padpisvalisia. Ciapier ža pieršasnaja rola pierajšła da sajtaŭ i sacsietak, jakija zaležać najbolš ad ułaśnikaŭ i rekłamadaŭcaŭ. Heta vyklikaje patrebu raspracoŭki strymak i procivahaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary